الماتىلىقتار سۋ تاسقىنىنان زارداپ شەككەن اتىراۋ وبلىسىنىڭ تۇرعىندارىنا 30 توننادان استاپ گۋمانيتارلىق كومەك جينادى. ونىڭ ىشىندە 12 توننا ازىق-تۇلىك، 10 تونناعا جۋىق كيىم، 7،2 توننا گيگيەنالىق زاتتار، 2 توننادان استام تۇرمىستاق زاتتار، 200 كيلوگراممنان استام دارى-دارمەك جانە ت.ب. زاتتار بار، دەپ حابارلايدى almaty-akshamy.kz
المالى اۋدانى كوميۋنيتي ورتالىعىندا اشىلعان كابىلداۋ پۋنكتى 29 ناۋرىزدان باستاپ جۇمىس ىستەدى. جاردەم قولىن سوزۋعا قالا تۇرعىندارى، كاسىپكەرلەر جانە بەلسەندى جاستار اتسالىستى.
گۋمانيتارلىق كومەك قابىلداۋ پۋنكتىنىڭ جۇمىسىنا قالانىڭ 30-دان استام ءىرى ۆولونتەرلىك ۇيىمىنان 150-دەن استام ەرىكتىلەر جۇمىلدىرىلدى.
«سۋ تاسقىنىنان زارداپ شەككەن ايماقتار قازىرگى احۋالدى جانە قانداي زات¬تار قاجەت ەكەنىن حابارلاپ، بىزگە بارلىق اقپاراتتى جولداپ وتى¬رادى. الدىڭعى اپتادا ءبىز ورال قالاسىنا 10 توننا گۋ¬مانيتارلىق كومەكتى تابىستاپ قايتتىق. ال ءقازىر اتىراۋ وبلى¬سىنا گۋمانيتارلىق كومەك جيناپ، جىبەرىپ جاتىرمىز. اتىراۋ وبلىسىنا جينالعان زاتتاردىڭ ءبىر بولىگىن Air Astana جانە Fly Arystan كومپا¬نيالارى، ەكىنشى بولىگىن قالامىز-دىڭ كاسىپكەرلەرى جۇك كولىگىمەن تەگىن جەتكىزىپ بەرۋگە نيەت ءبىلدىردى. گۋمانيتارلىق كومەكتى جيناۋعا اتسالىسقان بارشا الماتىلىقتارعا ەرەكشە العىس بىلدىرەمىن»، - دەدى الماتى قالاسى ۆولونتەرلەر فرونت-وفيسىنىڭ جەتەكشىسى باعدات اناربايەۆا.
المالى اۋدانىنىڭ كوميۋنيتي ورتالىعىندا اشىلعان گۋمانيتارلىق كومەك قابىلداۋ پۋنكتى جۇمىسىن جالعاستىرا بەرەدى. جۇمىس ۋاقىتى دەمالىسسىز 10:00-دەن 19:00-گە دەيىن.
ايتا كەتۋ كەرەك، الماتىلىق ەرىك¬تىلەر وسىعان دەيىن قازاق¬ستان¬دا جانە الەمدە بولعان تابيعي اپات¬تار كەزىندە دە ءۇنسىز قالماي، قولدان كەلگەن كومەگىن ايانىپ قالعان ەمەس. بىلتىر تۇركياداعى جويقىن جەر سىلكىنىسىنەن زارداپ شەككەندەرگە 50 توننا، ال اباي وبلىسىنداعى قىزىل جالىننىڭ سالدارىنان قيىندىق كورگەن تۇر¬عىندارعا 5 توننادان استام گۋما¬ني¬تارلىق كومەك جينادى. ودان وزگە ەرىكتىلەر ءفرونت-وفيسى دەمەۋ¬شىلەر تارتا وتىرىپ، ءبىر جىلدىڭ ىشىندە 10 مىڭ از قام¬تىلعان وتباسىعا، 350 جەتىم بالاعا، 800-دەن استام قارتقا كومەك كورسەتكەن.
