الماتىدان 242 شاقىرىم قاشىقتىقتا جەر سىلكىندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ق ر ءبىلىم جانە عىلىم مينيسترلىگىنە قاراستى «سەيسمولوگيالىق تاجىريبە-ادىستەمەلىك ەكسپەديسياسى» مەملەكەتتىك مەكەمەسىنىڭ سەيسميكالىق ستانسالار جەلىسى 14 تامىز كۇنى الماتى ۋاقىتىمەن 09 ساعات 35 مينۋتتا جەراستى ءدۇمپۋىن تىركەدى. جەر سىلكىنىسىنىڭ وشاعى الماتى قالاسىنان وڭتۇستىك-شىعىسقا قاراي 242 شاقىرىم قاشىقتىقتا، قىرعىزستان اۋماعىندا ورنالاسقان. جەر سىلكىنىسىنىڭ ەنەرگەتيكالىق كلاسى – 9.6، ماگنيتۋداسى – 4.1. ەپيسەنترىنىڭ كوورديناتتارى 41.91° س.ب. 79.27° ش.ە. جەراستى ءدۇمپۋى 5 شاقىرىم تەرەڭدىكتە بولعان. مSك-64 شكالاسى بويىنشا جەر سىلكىنىسى الماتى قالاسىندا سەزىلگەن جوق. مالىمەت 14 تامىز كۇنى ساعات 09.44-تە جاريالاندى.