قان تاپسىرۋعا 150-دەن استام دونور كەلگەن
«قىزىل جارتى اي» قوعامىنىڭ پاۆلودارداعى فيليالىنىڭ ەرىكتىلەرى ەلىمىزدە وتكەن ميتينگىلەر مەن تارتىپسىزدىكتەرگە بايلانىستى اقشا، دونور قانى جانە باسقا دا كومەكتەردى جيناۋعا بەلسەندى كىرىستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جاڭا جىل قارساڭىندا جانە ودان كەيىن پاۆلودار فيليالى (قازاقستان رەسپۋبليكاسىنىڭ قىزىل جارتى اي قوعامى) وبلىستىق قان ورتالىعىنا دونورلاردى تارتۋ بويىنشا ۇلكەن اقپاراتتىق جۇمىس جۇرگىزدى. ەلدەگى سوڭعى وقيعالارعا بايلانىستى دونورلار سانى كوپ بولدى، ادامدار ءوز ەركىمەن كەلىپ قان تاپسىردى»، - دەدى ق ر قىزىل جارتى اي قوعامىنىڭ پاۆلودار وبلىستىق فيليالىنىڭ باسشىسى گۇلنار يساقانوۆا.
ونىڭ ايتۋىنشا، قالالىق ءماسليحات دەپۋتاتتارى، پاۆلودار مۇناي-حيميا
زاۋىتى، قتج جانە قاراپايىم تۇرعىندار قان تاپسىرعان. بارلىعى 150-دەن استام دونور كەلگەن.
پاۆلودار وبلىسىنان الماتىعا كومەككە قىزىل جارتى اي قوعامىنىڭ ەرىكتىلەرى 70 ليتر قان تاپسىردى. دونورلار وسى كۇندەرى قان ورتالىعىندا تۇرعان قىزىل جارتى اي قوعامىنىڭ الەۋمەتتىك اكسياسىن قولداپ، قايىرىمدىلىق جاشىكتەرىنە اقشا جينادى.