الماتىداعى «تۇلپار» بازارىندا جوندەۋ جۇمىسى باستالادى

500 ساۋداگەرگە جەتىسۋ اۋدانىنداعى ساۋدا ورنىندا جۇمىسىن جالعاستىرۋدى ۇسىندى

الماتىداعى «تۇلپار» بازارىندا 1 ساۋىردەن باستاپ جوندەۋ جۇمىسى باستالادى، دەپ حابارلايدى Almaty-akshamy.kz Almaty.tv-گە سىلتەمە جاساپ.  

ال ونداعى 500 ساۋداگەرگە اكىمدىك قىزمەتكەرلەرى جەتىسۋ اۋدانىنداعى ساۋدا ورنىندا جۇمىسىن جالعاستىرۋدى ۇسىندى. كاسىپكەرلىك جانە ينۆەستيسيالار باسقارماسىنىڭ ماماندارى ۋاقىتشا ورىندى جالعا الۋ قۇنىنا دا جەڭىلدىك قاراستىرىلعانىن ايتتى. ايتا كەتەيىك، بازار يەسىنە 2019 جىلدان بەرى كۇدەلى جوندەۋ جۇرگىزۋ كەرەگى ايتىلعان. سەبەپ – مۇندا ساۋداگەرلەر مەن تۇتىنۋشىلارعا ەش جاعداي جاسالماعان. Cاۋدا ورنى 25 جىل بۇرىن جۇمىسىن باستاعان. المالى اۋدانىندا ورنالاسقان بازار تۇرمىستىق زاتتار مەن اۆتوكولىك بولشەكتەرىن ساتۋمەن اينالىسادى.

«مودەرنيزاسيا ۋاقىتى ءبىر جارىم جىلداي جۇرگىزىلەدى. قازىرگى بازاردا ىستەپ جاتقان كاسىپكەرلەر جوندەۋدەن كەيىن ساۋدا ورنىندا جۇمىس ىستەي الادى. ول بويىنشا جەكە كاسىپكەر مەن ساۋداگەرلەر مەموراندۋم جاساپ، ءوزارا كەلىستى»، – دەدى كاسىپكەرلىك جانە ينۆەستيسيالار باسقارماسى باسشىسىنىڭ ورىنباسارى قايرات نۇرقاسىموۆ.