الماتى قالاسى بويىنشا قاج دەپارتامەنتىنىڭ №72 مەكەمەسىنە الماتى قالاسى بويىنشا ۇلتتىق الدىن الۋ تەتىگىنىڭ قاتىسۋشىلارى بارىپ، جازاسىن وتەۋشىلەردى ۇستاۋ جاعدايىمەن تانىستى.
توپ قۇرامىنداعى ك.ابدىحالىقوۆ، س.ەلكەيەۆ جانە ە.اسانوۆ مەكەمە اۋماعىن ارالاپ، تەرگەۋ تۇتقىنىنداعىلارمەن اڭگىمەلەستى. سونداي-اق تەكسەرۋشىلەر تەرگەۋدەگى كامەلەتتىك جاسقا تولماعاندارمەن جانە ايەلدەرمەن دە جۇزدەسىپ، ولاردىڭ وتىنىشتەرىن تىڭدادى. شارۋاشىلىق قىزمەتىندەگى سوتتالعانداردىڭ تىنىس-تىرشىلىگىمەن تانىستى، دەپ حابارلايدى Almaty-akshamy.kz.
Polisia.kz اقپاراتىنشا، ۇلتتىق الدىن الۋ تەتىگىنىڭ قاتىسۋشىلارى سوتتالعانداردىڭ ارىز-شاعىمىن قابىلدايتىن تەرمينالداردى تەكسەردى. تەكسەرۋ بارىسىندا ەشقانداي زاڭ بۇزۋشىلىق انىقتالعان جوق. تەرگەۋ تۇتقىنىنداعىلار مەن سوتتالعاندارعا اس ازىرلەيتىن جانە ازىق-تۇلىك ساقتالاتىن ورىنداردا بولعان ولار كۇندەلىكتى اس ءمازىرىن دە نازاردان تىس قالدىرعان جوق.
ولارمەن جۇمىس ىستەيتىن پسيحولوگتارمەن دە كەزدەسىپ، جازالى ادامدارمەن وتكىزىلەتىن پسيحولوگيالىق جۇمىستارعا دا نازار اۋداردى. الماتى قالاسى بويىنشا ۇلتتىق الدىن الۋ تەتىگىنىڭ قاتىسۋشىلارى تاراپىنان تەرگەۋ يزولياتورىنداعى تۇتقىندار مەن سوتتالعانداردى ۇستاۋ جاعدايىنا وبەكتيۆتى باعا بەرىلدى.