ءسۇيىنباي كوشەسىنىڭ اۋماعىنا ورتاشا جوندەۋ جۇرگىزۋگە بايلانىستى قوزعالىسقا ۋاقىتشا شەكتەۋلەر ەنگىزىلەدى. بەكماحانوۆ كوشەسىنەن تەمىرجول وتكەلىنە دەيىنگى ۋچاسكەدە ريەۆەرسيۆتى قوزعالىس ۇيىمداستىرىلادى.
5 شىلدە ساعات 22.00-دەن 7 شىلدە ساعات 22.00-گە دەيىن جولدىڭ باتىس جاعىنا، ال 8 شىلدە ساعات 22.00-دەن 10 شىلدە ساعات 22.00-گە دەيىن شىعىس جاعىنا جوندەۋ جۇرگىزىلەدى. ءار باعىتقا ءبىر جولاقتى جول اشىلادى.
جوندەلەتىن ۋچاسكەدە ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس اقپاراتى جازىلعان ستەندتەر قويىلادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS پەن «ياندەكس كارتالارى» سەرۆيستەرىندە كورسەتىلگەن.