تازارتۋ جۇمىستارى اياقتالعان سوڭ، كول اۋماعى اباتتاندىرىلادى.
الماتىداعى سايران كولىنىڭ ۇلتانىن شوگىندىلەردەن تازارتۋ جۇمىستارى ءجۇرىپ جاتىر، دەپ حابارلايدى اlmaty-akshamy.kz
«مەحانيكالىق تازارتۋ جۇمىستارى مامىر ايىنىڭ سوڭىنا دەيىن اياقتاۋ كوزدەلگەن. كول ۇلتانى مەن جاعالاۋدى قوقىستان، باتپاق پەن قامىستان تازارتۋعا 4 ءتورت ەكسكاۆاتور، 30 ساموسۆال جانە 10 جۇمىسشى جۇمىلدىرىلعان. جۇمىس باستالعالى بەرى 710 رەيس جاسالدى، 11 350 تەكشە مەتر لاي تازارتىلدى، جۇمىستاردى اعىمداعى جىلدىڭ مامىر ايىنىڭ سوڭىنا دەيىن اياقتاۋ جوسپارلانۋدا»، - دەپ جازدى ەكولوگيا جانە قورشاعان ورتانى قورعاۋ دەپارتامەنتىنىڭ باسشىسى سەرىك ادىلبايەۆ.
دەپارتامەنت بەرگەن مالىمەتتەرگە سايكەس، تازارتۋ جۇمىستارى اياقتالعان سوڭ كول اۋماعى قايتا جاڭعىرتۋدان ءوتىپ، اباتتاندىرىلادى.
كولدىڭ اۋماعى 50 گەكتار. سۋ قويماسى 1971 جىلى سالىنعان. سودان بەرى مۇندا اۋقىمدى جوندەۋ جۇمىستارى جۇرگىزىلمەگەن.