الماتىدا ەسكى ۇيلەردى جاڭارتۋعا باعىتتالعان اۋقىمدى باعدارلاما باستالدى، دەپ حابارلايدى aqshamnews.kz
باعدارلاما 1930-1980 جىلدارى سالىنعان ەكى قاباتتى ۇيلەردى قامتىپ، 2030 جىلعا دەيىن 676 ءۇيدى جاڭارتۋدى كوزدەيدى. بۇل 7 500-گە جۋىق تۇرعىننىڭ جاڭا، زاماناۋي ۇيلەرگە كوشۋىنە مۇمكىندىك بەرەدى.
باعدارلاما تەك تۇرعىن ۇيلەردى جاڭارتۋمەن شەكتەلمەيدى. ول قۇرىلىس قاۋىپسىزدىگىن، ونىڭ ىشىندە سەيسمولوگيالىق تالاپتارعا ساي قۇرىلىس ستاندارتتارىن قامتاماسىز ەتۋگە باعىتتالعان. تۇرعىنداردىڭ قۇقىقتارىن قورعاۋ مەن ءتيىمدى قارىم-قاتىناس ورناتۋ مەحانيزمدەرى دە ەنگىزىلدى.