بۇل تۋرالى الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى كەزىندە ءمالىم ەتتى، دەپ حابارلايدى almaty-akshamy.kz
ايتۋار قوشمامبەتوۆتىڭ ايتۋىنشا، الماتىدا تاماقتاندىرۋ قىزمەتتەرىن ۇسىنۋ سالاسىندا جۇمىس ىستەيتىن 7 017 جەكە كاسىپكەر مەن زاڭدى تۇلعا تىركەلگەن. مەگاپوليستە 9 600-دەن استام كاسىپورىن Ashyq قوسىمشاسىن قولدانادى. ونىڭ 43،5%-ى – قوعامدىق تاماقتانۋ ورىندارى مەن قوناق ۇيلەر.
«32 قىزمەت ءتۇرى بويىنشا كاسىپورىندار جوبانىڭ قاتىسۋشىسى بولا الادى. ەگەر 2 تامىزداعى جاعداي بويىنشا الماتى قالاسىندا بارلىعى 6 419 قاتىسۋشى بولسا، بۇگىندە ولاردىڭ سانى 9 611-گە جەتتى»، - دەدى الماتى قالالىق كاسىپكەرلەر پالاتاسىنىڭ ديرەكتورى.
ايتۋار قوشمامبەتوۆ Ashyq-قا ەڭ بەلسەندى قاتىسۋى بايقالاتىن توپ-5 قىزمەت ءتۇرىن اتاپ ءوتتى. بۇل تىزىمگە قوعامدىق تاماقتاندىرۋ وبەكتىلەرى - 2755 قاتىسۋشى، قىزمەت كورسەتۋ وبەكتىلەرى (سۇلۋلىق ورتالىقتارى مەن سالوندارى، مانيكيۋر مەن پەديكيۋر، كوسمەتيكالىق جانە سۇلۋلىق شاشتاراز قىزمەتتەرى) - 1548، بولشەك ساۋدا وبەكتىلەرى - 1508، ءبىلىم بەرۋ وبەكتىلەرى - 1149، فيتنەس جانە سپورت كلۋبتارى - 543 كىرەدى.
«ەرىكتىلەر سانى ارتتى. Ashyq-تا بارلىعى 11 891 وسىنداي نىساندار بار. بۇل جەردە مەن Ashyq جوباسىنداعى ەرىكتىلەرگە جەڭىلدىكتەر مەن پرەفەرەنسيالار قولدانىلمايتىنىن اتاپ وتكىم كەلەدى»، - دەپ قوستى ايتۋار قوشمامبەتوۆ.
31 تامىزداعى جاعداي بويىنشا، قازاقستانداعى 121 838 كاسىپكەرلىك سۋبەكتىلەرى Ashyq جوباسىنىڭ قاتىسۋشىلارى بولىپ تابىلادى.