توعىزىنشى قاباتتان بالالارىمەن سەكىرىپ مەرت بولعان ايەل ولەر الدىندا حات جازىپ كەتكەن
الماتى قالالىق پوليسيا دەپارتامەنتى تەرگەۋدىڭ وسى كەزەڭىندە ءۇش بالاسىمەن 9-قاباتتان سەكىرىپ كەتكەن ايەلدىڭ ارەكەتىنىڭ الدىن الا سەبەبى انىقتالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل وتباسىلىق-تۇرمىستىق قارىم-قاتىناس نەگىزىندە جۇبايىمەن ارادا بولعان جانجال. ولەر الدىندا حات جازىپ قالدىرعان. باسقا ءمان-جايلار انىقتالۋدا. ءىس ق ر قك-نىڭ 105 بابىنا سايكەس تەرگەلۋدە. تەرگەۋ-جەدەل توبى قۇرىلدى»،-دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتى.
كۋاگەرلەردىڭ ايتۋىنشا، جاس انا الدىمەن بالالاردى تەرەزەدەن لاقتىرىپ، ارتىنان ءوزى سەكىرىپ كەتكەن.
ەسكە سالايىق ، بۇگىن «جەتىسۋ» شاعىناۋدانىندا كوپقاباتتى ۇيلەردىڭ ءبىرىنىڭ تەرەزەسىنەن 28 جاستاعى ايەل مەن ونىڭ 2015، 2016 جانە 2019 جىلى تۋعان ءۇش كىشكەنتاي بالاسى 9-قاباتتىڭ تەرەزەسىنەن سەكىرىپ كەتتى. ايەل مەن ەكى بالاسى وقيعا ورنىندا كوز جۇمدى. تاعى ءبىر بالا جەدەل جاردەم كولىگىندە قايتىس بولدى.