كونفەرەنسيانىڭ باستى ماقساتى - بالالار دەنساۋلىعىن ساقتاۋ مەن نىعايتۋ
پەدياتريا جانە بالالار حيرۋرگياسى عىلىمي ورتالىعىنىڭ ءسابي دەنساۋلىعىن، بالا اماندىعىن باستى نازارعا الىپ وتىرعانىنا بيىل - 90 جىل. 6-7 قازان كۇندەرى الماتىدا پەدياتريا جانە بالالار حيرۋرگياسى عىلىمي ورتالىعىنىڭ 90 جىلدىعىنا ارنالعان «قازاقستان پەدياترياسى: وتكەنى مەن بۇگىنى جانە بولاشاعى» اتتى حالىقارالىق عىلىمي-تاجىريبەلىك كونفەرەنسيا وتەدى، دەپ حابارلايدى Almaty-akshamy.kz.
مەرەيتويلىق شاراعا قازاقستان رەسپۋبليكاسىنىڭ دەنساۋلىق ساقتاۋ ءمينيسترى ا.عينايات، س.ج.اسفەندياروۆ اتىنداعى قازۇمۋ-دىڭ رەكتورى م.ە.شورانوۆ، پەدياتريا جانە بالالار حيرۋرگياسى عىلىمي ورتالىعىنىڭ باسقارما ءتوراعاسى ا.ز.قۇسايىنوۆ، د.روگاچوۆ اتىنداعى ۇلتتىق مەديسينالىق زەرتتەۋ ورتالىعىنىڭ باس ديرەكتورى گ.ا. نوۆيچكوۆا، بەلارۋس ۇلتتىق عىلىم اكادەمياسىنىڭ كوررەسپوندەنت-مۇشەسى، پروفەسسور، ونكوگەماتولوگ و.ۆ.الەينيكوۆا، سونىمەن قاتار قازاقستاننىڭ بارلىق ايماقتارىنان جانە بەلارۋس، رەسەي، تاجىكستان، وزبەكستان، ۇلىبريتانيا، گەرمانيا، ۋكراينا، چەحيا ەلدەرىنىڭ وكىلدەرى، بالالار دارىگەرلەرى، عىلىمي ينستيتۋتتاردىڭ جەتەكشى ماماندارى مەن باسشىلارى، سونداي-اق مەديسينالىق جوو پروفەسسورلارى قاتىسادى.
كونفەرەنسيانىڭ باستى ماقساتى - بالالار دەنساۋلىعىن ساقتاۋ مەن نىعايتۋ، بالالارعا ساپالى مەديسينالى قىزمەت كورسەتۋدى ۇيىمداستىرۋ، بالالاردى ەمدەۋ مەن دياگنوستيكالاۋداعى وزەكتى مەسەلەلەرىن تالقىلاۋ، ەلىمىزدەگى بالالار دەنساۋلىعى قىزمەتىن جاقسارتۋ.
ءىس-شارانىڭ ۇيىمداستىرۋشىلارى: ق ر دەنساۋلىق ساقتاۋ مينيسترلىگىنىڭ قولداۋىمەن پەدياتريا جانە بالالار حيرۋرگياسى عىلىمي ورتالىعى جانە قازاقستان پەدياترلار وداعى.
القالى باسقوسۋدا پەدياتريا جانە بالالار حيرۋرگياسى عىلىمي ورتالىعىنىڭ وتكەنى مەن بۇگىنى، جەتىستىگى مەن دامۋى ءسوز بولىپ، ەلىمىزدەگى پەدياتريالىق قىزمەتتىڭ باعىت-باعدارى سارالانادى.
ەكى كۇنگە سوزىلاتىن حالىقارالىق كونفەرەنسيا «پەدياتريا جانە نەوناتولوگيانىڭ وزەكتى ماسەلەلەرى»، «بالالار حيرۋرگياسى: باعىتتارى مەن زاماناۋي ادىستەرى»، «ورفاندىق اۋرۋلاردى دياگنوستيكالاۋ مەن ەمدەۋدىڭ زاماناۋي ماسەلەلەرى»، «ونكولوگيالىق جانە گەماتولوگيالىق اۋرۋلاردى دياگنوستيكالاۋ مەن ەمدەۋدىڭ زاماناۋي تەحنولوگيالارى»، «پاتولوگواناتوميالىق دياگنوستيكانىڭ وزەكتى ماسەلەلەرى»، «بالالارعا مەديسينالىق كومەك كورسەتۋدى ۇيىمداستىرۋداعى مەيىرگەرلەر ءرولى» اتتى سەكسيالىق جۇمىس تاقىرىپتارى اياسىندا وتەدى.