الماتىداعى ويىن-ساۋىق مەكەمەلەرىندە كارانتينگە بايلانىستى شەكتەۋلەر بۇزىلىپ جاتىر. مەيرامحانا يەلەرى بەلگىلەنگەن جۇمىس ۋاقىتىن ەلەمەيدى. 21-23 تامىز ارالىعىندا جينالعان ماتەريالدار اۋداندىق سانيتارلىق-ەپيدەميولوگيالىق باقىلاۋ دەپارتامەنتىنىڭ اۋداندىق بولىمشەلەرىنە جىبەرىلدى.
بارلىق فاكتىلەر بويىنشا اكىمشىلىك جازا قولدانىلادى. بۇل ارادا تەكسەرۋشىلەر بولعان مەكەمەلەردىڭ جانىندا پوليسەيلەردىڭ اۆتوپوستتارى كەزەكشىلىك ەتەتىن بولادى، دەپ حابارلايدى Almaty-akshamy.kz
الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى 20 ناۋرىزدان 23 تامىز ارالىعىندا مونيتورينگتىك توپتاردىڭ 2 مىڭعا جۋىق كارانتيندىك بۇزۋشىلىقتى انىقتاعانىن ەسەپتەدى.
ەپيدەميولوگتاردىڭ ايتۋىنشا، كوروناۆيرۋسقا بايلانىستى قالاداعى قازىرگى جاعداي ءالى دە كۇردەلى. سوڭعى اپتادا سيمپتومدى ناۋقاستاردىڭ ۇلەسى 94،2%-دى قۇرادى. سوندىقتان قۇرامىنا اكىمدىك، پوليسيا قىزمەتكەرلەرى، كاسىپكەرلەر پالاتاسىنىڭ وكىلدەرى مەن ەرىكتىلەر كىرەتىن ءموبيلدى توپتار شاعىن جانە ورتا كاسىپكەرلىك سۋبەكتىلەرىنىڭ، قالا تۇرعىندارى مەن قوناقتارىنىڭ كارانتيندىك شەكتەۋلەردى ساقتاۋى بويىنشا پروفيلاكتيكالىق جۇمىستارىن جالعاستىرۋدا.
ەپيدەميولوگيالىق تالاپتاردى بۇزاتىن ويىن-ساۋىق مەكەمەلەرى، كافەلەر، مەيرامحانالار، كاراوكە، بارلار، ساۋدا ورتالىقتارى سياقتى نىساندارعا ەرەكشە كوڭىل بولىنەدى. اتاپ ايتقاندا، Ashyq جوباسى اياسىندا جۇمىس ىستەيتىن كاسىپكەرلىك سۋبەكتىلەرى تەكسەرىلۋدە.
سونىمەن، 21-22 تامىز ارالىعىندا مونيتورينگتىك توپتار بەلگىلەنگەن شەكتەۋلەردىڭ 20 بۇزۋشىلىعىن انىقتادى. مىسالى، 21 تامىزدا ساعات 19.00 شاماسىندا تىيىم سالىنعانىنا قاراماستان، اۋەزوۆ اۋدانى، اقساي 4 شاعىن اۋدانىندا «دوستار» مەيرامحاناسى جۇمىس ىستەپ، وندا 150 قوناقتىڭ قاتىسۋىمەن ءىس-شارا ءوتتى.
ءدال سول كۇنى ناۋرىزباي اۋدانىنىڭ تەكسەرۋشىلەرى كەشكى ساعات 17.10 شاماسىندا اقجار شاعىن اۋدانىنداعى «سامير» مەيرامحاناسىندا 80 كەلۋشى بولعان زاڭ بۇزۋشىلىقتى انىقتادى.
تاعى ءبىر بانكەت جاسىرىن تۇردە ناۋرىزباي اۋدانى، دروزدى كوشەسىندەگى جەكە ۇيدە ءوتتى، وندا 30 قوناق بولدى. تەكسەرۋشىلەر حابارلاعانداي، مۇندا قۇدالىق بولعان.
21 تامىزدا المالى اۋدانىنىڭ مونيتورينگتىك توبى كەشكى ساعات 22 شاماسىندا كارانتيندى بۇزعان 50 ادام بار «لەتنيي دۆور» كافەسىنىڭ جۇمىسىن توقتاتتى.
سول كۇنى شامامەن ساعات 23.00-دە المالى اۋدانىنىڭ قۇرمانعازى كوشەسىندەگى «1917» كافەسىندە ءتارتىپ بۇزۋشىلىق انىقتالدى، شامامەن 16.30-دا بوستاندىق اۋدانىنداعى «Bi Kumis» مەيرامحاناسىندا 100 قوناق شاقىرىلعان بانكەت توقتاتىلدى.
22-23 تامىز ارالىعىندا الماتىدا 12 كارانتيندىك بۇزۋشىلىق انىقتالدى. تەكسەرۋشىلەر جەكسەنبى، 22 تامىزدا، دەمالىس كۇندەرى جۇمىسقا تولىق تىيىم سالىنعانىنا قاراماستان، بوستاندىق اۋدانى الما اراسان كوشەسىندەگى «حولام» كافەسىنىڭ جۇمىس جاساپ جاتقانىن حابارلادى. مەكەمە ىشىندە 30-عا جۋىق كەلۋشى بولعان.
سول كۇنى دۋلاتي كوشەسىندە «ۋ يسابايا» كافەسى جۇمىس جاساعان، تەكسەرۋشىلەر 80 كەلۋشىنىڭ دەمالىسىن توقتاتتى.
22 تامىزدا الاتاۋ اۋدانىندا مونيتورينگتىك توپ «فيرۋزا» مەيرامحاناسىنىڭ اشىلعانىن جانە 40 قوناقتىڭ بولعانىن انىقتادى.
ناۋرىزباي وڭىرىندە 60 كەلۋشىنىڭ قاتىسۋىمەن ءىس-شارا وتكىزىلگەن «نۇر-اي» مەيرامحاناسىندا كارانتين تالاپتارىنىڭ بۇزىلۋى تىركەلدى.
الماتىدا پاترۋلدىك اۆتوەكيپاجدار ويىن-ساۋىق مەكەمەلەرىنىڭ جانىندا كەزەكشىلىك جاساۋدا، مۇنداي شارامەن بارلىعى 150-گە جۋىق نىسان قامتىلعان.
الماتىداعى مونيتورينگتىك توپتار وكىلدەرىنىڭ ايتۋىنشا، كارانتيننىڭ بۇزىلۋىن انىقتاۋ جۇمىستارى جالعاسادى. حالىق كارانتين تالاپتارىن قاتاڭ ساقتاۋى، ادامدار كوپ جينالاتىن جەرلەردەن اۋلاق بولعانى، بەتپەردە رەجيمىن ۇستانۋى، الەۋمەتتىك قاشىقتىقتى ساقتاۋلارى ءتيىس.