مارافونعا شەتەلدىكتەر دە قاتىستى.
مەگاپوليستە داستۇرگە اينالعان «الماتى مارافونى» ءوتتى. وعان بەس مىڭعا جۋىق ادام قاتىستى، دەپ حابارلايدى Almaty-akshamy.kz 24.kz-كە سىلتەمە جاساپ.
جەلاياقتار باسەكەسىندە ب ا ق سىناۋ ءۇشىن شەتەلدەن كەلگەندەر دە بولدى. تاڭعى التىدا جارىس جولىنا شىققان ولار بىرنەشە قاشىقتىق بويىنشا سىنعا ءتۇستى. قاتىسۋشىلار ءداستۇرلى 10 جانە 42 شاقىرىمدىق مارافوننان بولەك سكانديناۆيالىق جۇرىستەن دە ۇزدىكتى انىقتادى. سونداي-اق 6 ادامنان قۇرالعان كوماندالار دا جۇلدەگە تالاستى. سپورتتىق شاراعا بەلسەنە قاتىسىپ، مارەگە جەتكەندەرگە ارنايى مەدال بەرىلدى.
«مەن الماتىدا بەس جىلدان بەرى تۇرىپ جاتىرمىن. وسى مارافونعا ءۇشىنشى رەت قاتىسىپ وتىرمىن. مەن جۇگىرۋدى جاقسى كورەمىن جانە مۇنداعى كوڭىل-كۇي كەرەمەت. مۇندا جۇگىرگەن سايىن قۋات الا تۇسەسىڭ، مەن جارتىلاي مارافوندى تاڭدادىم جانە ناتيجەمە ريزامىن»، - دەدى وڭتۇستىك افريكا ازاماتشاسى مارتا سيباسە.