بيىل قارجى بولىنەدى.
مادەنيەت جانە سپورت ءمينيسترى الماتى قالاسىنا جۇمىس ساپارىنىڭ قورىتىندىسى بويىنشا جيىن وتكىزدى، دەپ حابارلايدى Almaty-akshamy.kz.
جيىندا تەاترلاردى قارجىلاندىرۋ جانە مادەنيەت عيماراتتارىن جوندەۋگە قاراجات ءبولۋ ماسەلەسىن پىسىقتالدى.
«جاسىراتىنى جوق، قوردالانعان ماسەلەلەر بار. ونى جۇيەلى تۇردە شەشۋىمىز كەرەك. كەزدەسۋدە مادەنيەت عيماراتتارىن جوندەۋدەن وتكىزۋ ماسەلەسى كوتەرىلدى. بىرنەشە جىل بۇرىن تەاترلاردىڭ بىرىنە شەتەلدەن قوناقتار كەلىپتى. ءدال سول ساتتە شاتىردىڭ ءبىر بولىگى وپىرىلىپ تۇسكەن. ال اكتەرلەرگە قوناقتاردىڭ الدىندا بۇل وسىلاي ويلاستىرىلعانداي ويىن كورسەتۋگە تۋرا كەلگەن. بۇل تۋرالى كەزدەسۋدە تەاتر ونەرىنىڭ وكىلدەرى ايتىپ بەردى. ولار وزدەرىنىڭ جانايقايىن، سابىرلى قالىپپەن جانە پاراساتتى تۇردە جەتكىزدى. مەن وسى تۇرعىدا زيالى قاۋىمعا ەرەكشە ريزا بولدىم»، - دەدى ا.ورالوۆ.
سونداي-اق، مينيستر جۇمىس ساپارى كەزىندە كوتەرىلگەن بارلىق ماسەلەلەر باقىلاۋعا الىنعانىن اتاپ ءوتتى.
«الماتىعا جۇمىس ساپارىنىڭ قورىتىندىسى بويىنشا بيىل مۋزىكالىق اسپاپتار ساتىپ الۋعا، پەداگوگتەرگە قوسىمشا تولەمدەرگە جانە بالالاردى تەگىن تاماقتاندىرۋعا رەسپۋبليكالىق ەسترادا-سيرك كوللەدجىنە قوسىمشا 68 ملن تەڭگە، كۇلاش بايسەيىتوۆا اتىنداعى رەسپۋبليكالىق مامانداندىرىلعان مۋزىكا مەكتەپ-ينتەرناتىنا 258 ملن تەڭگە، احمەت جۇبانوۆ اتىنداعى قازاق مامانداندىرىلعان مۋزىكالىق ورتا مەكتەپ-ينتەرناتىنا 161 ملن تەڭگە بولىنەتىن بولدى»، - دەدى ۆەدومستۆو باسشىسى.