الماتىداعى جاپپاي تارتىپسىزدىك كەزىندە قارۋ ۇرلاعاندار شىمكەنتتە ۇستالدى

كۇدىكتىلەر ەكى «سايگا» اڭشىلىق كارابينى مەن 70 ءوق-دارىنى ساتىپ جىبەرگەن

 جەدەل ىزدەستىرۋ شارالارى بارىسىندا ءتارتىپ ساقشىلارى قاڭتار وقيعاسى كەزىندە الماتىداعى دۇكەننەن قارۋ ۇرلاعان ءۇش كۇدىكتىنى ۇستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ولاردىڭ ەكەۋى الماتىدا جالدامالى پاتەردە تۇرعان، ال ءۇشىنشىسى ەسكى دوسىنا قوناققا بارعان.

سودان تۇرعىن ءۇيدىڭ ءبىرىنشى قاباتىندا ورنالاسقان قارۋ-جاراق دۇكەنىنەن قولدارىنا تۇسكەننىڭ ءبارىن الىپ، جاسىرىنۋ ماقساتىندا شىمكەنتكە كەلگەن. كۇدىكتىلەر قولدى ەتكەن «سايگا» اڭشىلىق كارابينى مەن 70 ءوق-دارىنى ساتىپ جىبەرگەن، ال تيرگە ارنالعان مىلتىقتى كۇدىكتىلەردىڭ ءبىرى وزىندە قالدىرعان.

«اتالعان جايت قىلمىستىق كودەكستىڭ 291-بابى («قارۋدى جىمقىرۋ») بويىنشا تىركەلدى. كۇدىكتىلەردىڭ ۇشەۋى دە تۇركىستان وبلىسىنىڭ تۇرعىندارى بولىپ شىقتى. ءقازىر ولار قاماۋدا. جەدەل ۋاكىلدەر قارۋدى ساتىپ الۋشىلاردى دا انىقتاپ، ۇستادى»، - دەدى شىمكەنت قالالىق پوليسيا دەپارتامەنتى تەرگەۋ باسقارماسىنىڭ باستىعى داۋلەتكەلدى ابدرامانوۆ.

سونداي-اق، دەپارتامەنتتىڭ باس تەرگەۋشىسى قاڭتارداعى تارتىپسىزدىك كەزىندە ۇرلانعان قارۋلاردى انىقتاۋ بويىنشا جەدەل-ىزدەستىرۋ جۇمىستارىن جالعاستىرىپ جاتقانىن اتاپ ءوتتى.