مەگاپوليستىڭ قۇرىلىس تىعىزدىعى، وقشاۋلانۋى مەن جەلدەتىلۋىن ودان ءارى بۇزۋعا جول بەرىلمەيدى
يندۋستريا جانە ينفراقۇرىلىمدىق دامۋ مينيسترلىگى جاڭا عيماراتتاردىڭ بيىكتىگىن شەكتەۋ تۋرالى الماتى اكىمدىگىنىڭ باستاماسىن قولدايدى، دەپ حابارلايدى Almaty-akshamy.kz.
«الماتى قالاسىنىڭ قۇرىلىس ساياساتىنداعى وزگەرىستەرگە جانە اباي داڭعىلىنىڭ وڭتۇستىگىندەگى اۋماقتا جوسپارلانعان كوپ پاتەرلى تۇرعىن ءۇي كەشەندەرىنىڭ بيىكتىگىن شەكتەۋ تۋرالى قالا اكىمدىگى تاراتقان حابارلامالارعا بايلانىستى مينيسترلىك شۇعىل تۇردە جاعدايدىڭ سەبەپتەرىن تالداۋ بويىنشا جۇمىس جۇرگىزۋدە. قازىرگى ۋاقىتتا جەرگىلىكتى اتقارۋشى ورگانمەن قابىلدانعان شەشىمنىڭ سەبەپتەرىن تۇسىندىرەتىن قاجەتتى اقپارات بەرۋ تۋرالى ۋاعدالاستىققا قول جەتكىزىلدى»، – دەلىنگەن مينيسترلىك حابارلاماسىندا.
حابارلامادا ۆەدومستۆو جەرگىلىكتى اتقارۋشى ورگاننىڭ ىس-ارەكەتتەرىنە سۇراتىلعان اقپاراتتىڭ تۇسۋىنە قاراي قۇقىقتىق باعا بەرىپ، سونداي-اق ءتيىستى شەشىم قابىلدانعانى تۋرالى اتاپ وتىلگەن.
سونىمەن قاتار يندۋستريا جانە ينفراقۇرىلىمدىق دامۋ مينيسترلىگى اكىمدىكتىڭ باستاماسىن قولدايتىنىن ايتتى. ويتكەنى ەنگىزىلگەن شەكتەۋ ناتيجەسىندە مەگاپوليستىڭ قۇرىلىس تىعىزدىعى، وقشاۋلانۋى مەن جەلدەتىلۋىن ودان ءارى بۇزۋعا جول بەرىلمەيدى.