الاياقتار انىقتالدى جانە ۇستالدى.
الماتىداعى ارنايى ءىس-شارا بارىسىندا ينتەرنەت-الاياقتار توبى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
توپ قۇرامىندا قۇرامىندا 27 جانە 25 جاستاعى ەكى ايەل بار. قىلمىستىڭ باسقا دا سىبايلاستارى – 28 جانە 33 جاستاعى ەر ادامدار.
«ايتا كەتەيىك، وسى كۇندەرى الماتىدا اقپاراتتىق تەحنولوگيالاردى قولدانۋ ارقىلى جاسالعان قۇقىق بۇزۋشىلىقپەن كۇرەسۋ شارالارىنىڭ تيىمدىلىگىن ارتتىرۋعا باعىتتالعان الاياقتىققا قارسى رەسپۋبليكالىق “Anti Fraud” ءىس-شاراسى ءوتىپ جاتىر. وسى ءىس-شارا اياسىندا ءتورت ادامنان تۇراتىن توپ اشكەرەلەندى. بوستاندىق اۋداندىق پب-نا قاراستى پوليسيا بولىمىنە كومەك سۇراپ جۇگىنگەن الماتىلىق تۇرعىننىڭ ارىزىنا سايكەس، كۇدىكتىلەر الداۋ جانە سەنىمگە قيانات جاساۋ ارقىلى 1،1 ملن تەڭگە كولەمىندە قاراجاتتى يەمدەنىپ كەتكەن. تولىعىراق ايتاتىن بولساق، ەر ادامنىڭ ۇيالى تەلەفونىنا پروفيلىندە اپكەسىنىڭ سۋرەتى بار ابونەنتتەن حابارلاما كەلگەن. حابارلامانى جىبەرۋشى ونىڭ بانكتىك شوتىنا اقشا جىبەرۋدى وتىنگەن. ەر ادام اپكەسىنىڭ دەرەكتەرىن پايدالانعان الاياقتارعا ەمەس، اپكەسىنە كومەكتەسكەنىنە سەنىمدى بولعان»، — دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
الاياقتار انىقتالدى جانە ۇستالدى. ولار – تۇركىستان وبلىسىنان كەلگەندەر. ۇستالعانداردىڭ ۇشەۋى بۇرىن دا الاياقتىق جاساعانى ءۇشىن قىلمىستىق جاۋاپكەرشىلىككە تارتىلعاندىعى بەلگىلى بولدى.
«ايتا كەتەيىك، قىلمىستى اشۋعا ەكىنشى دەڭگەيلى بانكتەردىڭ ءبىرىنىڭ قاۋىپسىزدىك قىزمەتكەرلەرى كومەك كورسەتكەن. قازىرگى ۋاقىتتا اتالعان قىلمىستىق ءىس بويىنشا وسى قىلمىستىق ءىستىڭ جان-جاقتى، تولىق جانە وبەكتيۆتى تەرگەلۋىن قامتاماسىز ەتۋ ءۇشىن قاجەتتى تەرگەۋ شارالارى جۇرگىزىلىپ جاتىر. سوتقا دەيىنگى تەرگەۋدىڭ وسى كەزەڭىندە بۇل توپ جاساعان ءۇش بىردەي الاياقتىق دەرەگى انىقتالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.