مەديسينالىق ۇيىمداردىڭ ماتەريالدىق-تەحنيكالىق جابدىقتالۋىن جاقسارتۋعا جەرگىلىكتى بيۋدجەتتەن 43،1 ملرد تەڭگە ءبولىندى.
الماتى اكىمى باقىتجان ساعىنتايەۆ ورتالىق كوممۋنيكاسيالار قىزمەتىندەگى باسپا ءسوز كونفەرەنسياسىندا جۋرناليستەردىڭ سۇراقتارىنا جاۋاپ بەرە كەلىپ، قالانىڭ دەنساۋلىق ساقتاۋ جۇيەسىن جاڭارتۋ تۋرالى ايتتى، دەپ حابارلايدى Almaty-akshamy.kz.
«2021 جىلعا جابدىق ساتىپ الۋعا جەرگىلىكتى بيۋدجەتتەن 20 ميلليارد تەڭگە ءبولىندى. ينفەكسيالىق ستاسيونارلاردىڭ جانساقتاۋ بولىمدەرى 100% جابدىقتالدى»، - دەدى باقىتجان ساعىنتايەۆ.
2020 جىلى رەسپۋبليكالىق جانە جەرگىلىكتى بيۋدجەت ەسەبىنەن الماتى قالاسىندا مەديسينالىق ۇيىمداردىڭ جانساقتاۋ ءبولىمىن قايتا جابدىقتاۋ جۇزەگە اسىرىلدى.
ماسەلەن، 2020 جىلى رەسپۋبليكالىق بيۋدجەت ەسەبىنەن 562،1 ملن تەڭگەگە 94 دانا مەديسينالىق قۇرال-جابدىقتار (بۇيىمدار) – ءوجج اپپاراتى مەن وتتەگى ينگالياتورلارى، قاشىقتىق تەپلوۆيزولارى جانە باسقالارى ساتىپ الىندى.
ءوجج 285اپپاراتى، High Flow وتتەگى جوعارى اعىمدى تەراپياسى 250 اپپاراتى، 1050 بىرلىكتەگى وتتەگى كونسەنتراتورى، 47 رەنتگەن اپپاراتى، 52 ۋلترادىبىستىق اپپارات ساتىپ الىندى.
جەدەل جاردەم قىزمەتىنىڭ پاركى جاڭارتىلدى – رەانيماسيالىق جابدىقتارى بار 135 ارنايى كولىك ساتىپ الىندى.
4،8 ملرد تەڭگەگە 6 وتتەگى ستانسياسى، 6،3 ملرد تەڭگەگە 10 قالالىق اۋرۋحانادا گاز قۇيۋ كومپرەسسورلىق ستانسيالارى ورناتىلدى.
2021 جىلدىڭ 9-13 ءساۋىرى ارالىعىندا دۇنيەجۇزىلىك بانكتەن 45 ءوجج اپپاراتى الىندى.