قازا تاپقان قازاقستان ازاماتتارىنىڭ تۋىستارى 1 ملن تەڭگە كولەمىندە ماتەريالدىق كومەك الادى، ءتيىستى تاپسىرمانى قالا باسشىسى ەربولات دوسايەۆ بەردى. بۇل تۋرالى وكق بريفينگىندە المالى اۋدانىنىڭ اكىمى ايدار جاقىبايەۆ مالىمدەدى، دەپ حابارلايدى almaty-akshamy.kz
«قالا باسشىسى ەربولات دوسايەۆتىڭ تاپسىرماسى بويىنشا ءورت كەزىندە قازا تاپقانداردىڭ وتباسىلارىنا 1 ملن تەڭگە كولەمىندە قارجىلاي كومەك بولىنەتىن بولادى. سونداي-اق، بۇرىن ايتىلعانداي، الماتى اكىمىنىڭ تاپسىرماسى بويىنشا اكىمدىك قازا تاپقانداردىڭ دەنەلەرىن كورسەتىلگەن جەرلەرگە، ونىڭ ىشىندە ەلىمىزدىڭ باسقا وڭىرلەرىنە تاسىمالداۋعا جاردەمدەسەتىن بولادى. بۇدان باسقا، جەرلەۋ پروسەسىن قوسا العاندا، الماتى قالاسىنىڭ اۋماعىندا جەرلەۋدى ۇيىمداستىرۋعا تولىق جاردەم جاسالادى.»، - دەدى ايدار جاقىبايەۆ.
قازا تاپقان شەتەل ازاماتتارىنىڭ وتباسىلارىنا مايىتتەردى جەرلەۋ ورىندارىنا دەيىن تاسىمالداۋعا كومەك كورسەتىلەتىن بولادى.