جۇمىس ساپارى جانە مەدەۋ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ «ەسەنتاي» وزەنىنىڭ جاعاسىندا كاسكادتار جۇيەسىن سالۋ جوباسىمەن تانىستى.
مۇز كوشكىنىنىڭ قايتالانۋىن بولدىرماۋ جانە تۇرعىنداردىڭ قاۋىپسىزدىگىن قامتاماسىز ەتۋ ءۇشىن «ەسەنتاي» وزەنىندە ۇزىندىعى 2 كم جاساندى سارقىراما مەن كاسكادتار قۇرۋ جوسپارلانعان، بۇل اعىننىڭ جىلدامدىعىن تومەندەتۋگە جانە كانال قابىرعالارىندا مۇزدىڭ تەز جينالۋىنىڭ الدىن الۋعا كومەكتەسەدى.
2022-2023 جىلدارى «ەسەنتاي» وزەنىنىڭ جاعاسىندا ەكى جەرگىلىكتى مۇز-سۋ تاسقىنى بولدى. سالدارىن جويۋ ءۇشىن جاماقايەۆ كوشەسىنەن ءال-فارابي داڭعىلىنداعى سۋ قابىلداعىشقا دەيىن «ەسەنتاي» وزەنى ارناسى مۇز شوگىندىلەرىنەن مەحانيكالىق تازارتىلدى. 5 مىڭ م3 قار شىعارىلدى، زاقىمدالعان قورشاۋلار قالپىنا كەلتىرىلدى. سونىمەن قاتار، وزەننىڭ جاعاسى ءال-فارابي داڭعىلىنان بولگىشكە دەيىن نىعايتىلدى.
سونداي-اق، جوباعا سايكەس ۇزدىكسىز مۇز قاباتىنىڭ پايدا بولۋىن بولدىرماۋ ءۇشىن مۇزعا قارسى قۇرىلىستاردى – مۇزجارعىشتاردى نەمەسە مۇزجارعىش پليتالاردى ورناتۋ ۇسىنىلادى. سونىمەن قاتار، وزەننىڭ جىلدام اعاتىن ۋچاسكەلەرىندە جاساندى كەدىر-بۇدىر جاساۋ جوسپارلانعان.
جوبانى ىسكە اسىرۋ مەرزىمى – وسى جىلدىڭ جەلتوقسانى.
اۋدان تۇرعىندارىمەن اڭگىمەلەسۋ بارىسىندا الماتى اكىمى ەربولات دوسايەۆ كاسكادتار سالۋ بويىنشا جوبانى جۇزەگە اسىرۋ وزەندەگى انجىر ءجۇرۋ ماسەلەسىن شەشەتىنىن اتاپ ءوتتى. ەڭ باستىسى، تۇرعىنداردىڭ قاۋىپسىزدىگى ەكەنىن اتاپ ءوتتى. ماسەلەن، «ەسەنتاي» وزەنىندە كاسكادتار سالۋ جۇمىستارى وسى جىلدىڭ مامىر ايىندا باستالىپ، قىستا اياقتالادى.
انىقتاما: انجىر ءجۇرۋى (شۋگوحود) – اعىننىڭ تەرەڭىندە - كەسەكشەلەر تۇزەتىن كريستالدار جيىنتىعى قوزعالىسى.