جىلۋ ەلەكتر ورتالىعىن گازعا اۋىستىرۋدىڭ ءبىرىنشى كەزەڭىندە زالالدى شىعارىندىلار كولەمىن 35 مىڭ توننادان 23 مىڭ تونناعا دەيىن، 2026 جىلى تولىق ىسكە اسىرۋ كەزىندە – 2،7 مىڭ تونناعا دەيىن تومەندەتۋگە مۇمكىندىك بار، دەپ حابارلايدى Almaty-akshamy.kz قازاقپاراتقا سىلتەمە جاساپ.
مەملەكەت باسشىسى ەكولوگيا ماسەلەسىن ءجىتى نازاردا ۇستايدى. بىلتىر الماتى قالاسىنا جۇمىس ساپارىمەن كەلگەن پرەزيدەنت الماتىلىقتاردى قالاداعى اۋانىڭ لاستانۋى قاتتى الاڭداتىپ وتىرعانىنان حاباردار ەكەنىن جەتكىزگەن ەدى.
ونىڭ ايتۋىنشا، جىل سايىن اتموسفەراعا شىعارىلاتىن زياندى قالدىقتىڭ كولەمى 125 مىڭ تونناعا جۋىقتايدى.
اۋانى نەگىزىنەن اۆتوكولىكتەر، قالالىق جىلۋ ەلەكتر ستانسيالارى، ونەركاسىپ كاسىپورىندارى جانە گاز تارتىلماعان جەر ۇيلەر لاستايدى.
مەگاپوليستە اۋانىڭ تازا بولۋىنا تىعىز ءارى رەتسىز سالىنعان عيماراتتار دا كەدەرگى كەلتىرىپ تۇر.
مەملەكەت باسشىسى اكىمدىككە ونەركاسىپ كاسىپورىندارىنىڭ ەكولوگيالىق قاۋىپسىزدىك نورمالارىن ساقتاۋىن قاتاڭ قاداعالاۋدى تاپسىرىپ، جەو-2 جانە جەو-3 ورتالىقتارىن گازعا كوشىرۋ ارقىلى زياندى قالدىقتاردى ون ەسەدەن استام تومەندەتۋگە بولاتىنىن ايتقان ەدى.
بۇگىندە مەگاپوليستەگى اۋانىڭ لاستانۋىنىڭ نەگىزگى سەبەپتەرىنىڭ ءبىرى جەو-2 بولىپ تابىلادى، مامانداردىڭ باعالاۋى بويىنشا زالالدى شىعارىندىلاردىڭ 30%-نا دەيىن وعان تيەسىلى.
وسى جىلدىڭ مامىر ايىندا ەربولات دوسايەۆ «سامۇرىق-ەنەرگو» اق، «Qazaqgaz ۇك» اق، «KEGOC» اق، «Samruk-Kazyna Construction» اق، «الاتاۋ جارىق كومپانياسى» اق باسشىلارىمەن جوعارىدا اتالعان ماسەلەگە قاتىستى كەزدەسكەن بولاتىن.
كەزدەسۋ بارىسىندا تاراپتار مەگاپوليستىڭ ەنەرگوكەشەنىن دامىتۋ پەرسپەكتيۆالارىن، ونىڭ ىشىندە جەو-2 گازعا اۋىستىرۋ، جىلۋ ماگيسترالدارىن، ەلەكتر جەلىلەرىن جاڭعىرتۋ، الماتى اگلومەراسياسىنىڭ تۇرعىن الاپتارىن ودان ءارى گازداندىرۋ، قوعامدىق كولىككە ارنالعان گاز قۇيۋ ستانسيالارىن سالۋ ماسەلەلەرىن تالقىلادى.
مەملەكەت باسشىسىنىڭ تاپسىرماسىنا سايكەس ءبىرىنشى كەزەڭدى 2024 جىلدىڭ جەلتوقسانىندا اياقتاۋ جوسپارلانۋدا. «سامۇرىق-قازىنا» ءۇاق» اق باسشىلىعى مەرزىمىندە ۇلگەرۋگە دايىن ەكەندىگىن ايتتى.
جالپى، جەو-2ء-نى گازعا اۋىستىرۋ ءبىرىنشى كەزەڭدى ىسكە قوسۋ كەزىندە زالالدى شىعارىندىلار سانىن – 35 مىڭ توننادان 23 مىڭ تونناعا دەيىن، 2026 جىلى تولىق ىسكە اسىرۋ كەزىندە – 2،7 مىڭ تونناعا دەيىن (جالپى 12 ەسەدەن استام) تومەندەتۋگە مۇمكىندىك بەرەدى.
بيىل جەو-2 جاڭا گاز ستانسياسىن جوبالاۋ جانە سالۋ بويىنشا مەردىگەر ايقىندالاتىن بولادى.
ەلەكتر ەنەرگەتيكالىق حولدينگتىڭ مالىمەتىنشە، اشىق حالىقارالىق تەندەردىڭ ءبىرىنشى كەزەڭى بارىسىندا 6 ءوتىنىم كەلىپ ءتۇستى.
ونىڭ ىشىندە ەكىنشى، قورىتىندى كەزەڭگە 2 كومپانيا ءوتتى.
تەندەردىڭ جەڭىمپازى وسى جىلدىڭ ەكىنشى توقسانىندا انىقتالادى. قۇرىلىس-مونتاجداۋ جۇمىستارىنىڭ باستالۋى 2023 جىلدىڭ تامىزىنا بولجانىپ وتىر.
ال جەو-2ء-نىڭ گازعا تولىق كوشىرۋ 2026 جىلدىڭ جەلتوقسانىندا اياقتالادى.
اتالعان جوبا ۇكىمەت بەكىتكەن جول كارتاسى اياسىندا جۇزەگە اسىرىلىپ جاتىر جانە الماتى قالاسىندا كومىردەن جىلۋ جانە ەلەكتر ەنەرگياسىن ءوندىرۋدى توقتاتۋعا مۇمكىندىك بەرەدى.
سونىمەن قاتار قالانىڭ قورشاعان ورتاسىنا شىعارىندىلاردى ايتارلىقتاي قىسقارتادى.
ءقازىر قالادا ماگيسترالدىق گاز قۇبىرلارى بار، ءبىراق حالىق ءالى تولىق قوسىلماعان.
ەربولات دوسايەۆتىڭ سوزىنشە، 2023-2024 جىلدار ارالىعىندا قالا تولىقتاي گازعا كوشەدى. ءقازىر الماتىدا گاز تارتۋ دەڭگەيى 99،2%.
شىن مانىندە، كومىردى پايدالانۋ كولەمى وتە تومەن، كومىر بازالارىن نەگىزىنەن الماتى وبلىسىنىڭ تۇرعىندارى پايدالانادى.
الماتى وبلىسىنىڭ اكىمدىگى جەو-2 جانە جەو-3ء-تى گازبەن قامتاماسىز ەتۋ ءۇشىن قاراساي اۋدانىندا 612 جەر تەلىمىن ساتىپ الماق.