الماتىدا قوعامدىق تاماقتانۋ ورىندارىنىڭ باس اسپازى ەسىرتكى ساتقانى ءۇشىن ۇستالدى.
پوليسەيلەر ەسىرتكى ساتتى دەگەن كۇدىكپەن جەرگىلىكتى ءدامحانانىڭ اسپازىن ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
پوليسيانىڭ مالىمەتىنشە، ەر ادام جۇمىسىن زاڭسىز زاتتاردى ساتۋ ءۇشىن پايدالانعان.
— ول گاشيش ەسىرتكى زاتىن جۇمىس ورنىندا ساتقان، ءدامحانانى ءوزىنىڭ قىلمىستىق ارەكەتتەرىن جاسىرۋ ءۇشىن پايدالانعان. ءىستىڭ بارلىق ءمان-جايىن انىقتاۋعا باعىتتالعان جەدەل ءىس-شارالاردان كەيىن اسپاز ۇستالدى. ۇستاۋ جانە ءتىنتۋ ناتيجەسىندە ەسىرتكى جانە ەسىرتكىنىڭ زاڭسىز اينالىمىنا قاتىستى باسقا دا زاتتار تاركىلەندى. ۇستالعان ازامات قاماۋعا الىندى. ءقازىر قىلمىستىق ىس-ارەكەتتىڭ بارلىق دەرەگىن جانە وعان باسقا ادامداردىڭ قاتىسى بار-جوعىن انىقتاۋ ماقساتىندا تەرگەۋ امالدارى جۇرگىزىلىپ جاتىر، - دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.