جىل سوڭىنا دەيىن تاعى 600 جۋىق كامەرا ورناتىلادى.
الماتىلىقتاردىڭ قاۋىپسىزدىگىن قامتاماسىز ەتۋ ماقساتىندا جىل سوڭىنا دەىن قالادا قوسىما تاعى 600 جۋىق بەينەكامەرا ورتاتىلادى. بۇل تۋرالى قالا اكىمى ەربولات دوسايەۆ جەتىسۋ اۋدانىنىڭ تۇرعىندارىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.
«قوعامدىق قاۋىپسىزدىكتى قامتاماسىز ەتۋ ءۇشىن جىل سوڭىنا دەيىن ادامدار كوپ جينالاتىن ورىنداردا (ءبىلىم بەرۋ وبەكتىلەرىندە – 263، اۋلالاردا – 130، پاركتەر/سكۆەرلەردە – 152، جول قيىلىستارىندا – 52) 597 بەينەكامەرا ورناتىلادى. قولدانىستاعى 490 كامەراعا ەسەپتەلگەن 86 «سەرگەك» اپپاراتتىق-باعدارلامالىق كەشەنىنە قوسىمشا 2023 جىلدىڭ Iء-شى توقسانىندا 399 كامەراعا ارنالعان 85 «سەرگەك» كەشەنى ورناتىلادى. بارلىق جۇمىس اياقتالعاننان كەيىن جەتىسۋ اۋدانىندا كامەرالاردىڭ سانىن 996 بىرلىككە دەيىن كوبەيتەمىز»، - دەدى ەربولات دوسايەۆ.
سونىمەن قاتار شاھار جەتەكشىسى اۋدانداعى جول ينفراقۇرىلىمى تۋرالى ايتتى.
«وسى جىلدىڭ باسىنان باستاپ جالپى اۋدانى 28 مىڭ كۆ. مەتر بولاتىن 124 جول ۋچاسكەسىنە اعىمداعى (شۇڭقىر) جوندەۋ جۇرگىزىلدى، ۇزىندىعى 26،3 كم 21 كوشە ورتاشا جوندەۋدەن ءوتتى. سىزدەردىڭ وتىنىشتەرىڭىزدىڭ نەگىزىندە كوكجيەك شاعىن اۋدانىندا تروتۋارلار مەن ارىقتارمەن بىرگە جولدارعا جوندەۋ جۇرگىزىلدى. قاراشا ايىنىڭ سوڭىنا دەيىن 2ء-شى گونچارنايا كوشەسىندە ورتاشا جوندەۋ اياقتالادى»،- دەدى قالا باسشىسى.
جول قاۋىپسىزدىگىن قامتاماسىز ەتۋ ماقساتىندا 29 مەكەنجايدا ۇزىندىعى 16،3 كم جاڭا تروتۋار سالىندى، سونداي-اق ادامدار جۇرەتىن وتكەلدەردە 3 سۆەتوفور ورناتىلعان.
«تۇرعىنداردىڭ وتىنىش-تىلەكتەرىن ەسكەرە وتىرىپ، جەتىسۋ بازارىنان ادەم ساۋدا ۇيىنە دەيىن ۇزىندىعى 28 كم قۇرايتىن №138 جاڭا مارشرۋت ۇيىمداستىرىلدى. №46 مارشرۋت 1 كم-گە ۇزارتىلدى (كەمەل شاعىن اۋدانىندا ەسىمحان كوشەسىنەن ارلان كوشەسىنە دەيىن) اۆتوبۋستار سانى 10-نان 12-گە كوبەيدى. سونىمەن قاتار 8 مارشرۋتتىڭ (№40، 41، 70، 135، 52، 56، 69، 80) جىلجىمالى قۇرامى تولىق جاڭارتىلدى»، - دەدى ەربولات دوسايەۆ.
تۇرعىنداردىڭ ءوتىنىشى بويىنشا قىركۇيەك جانە قازان ايلارىندا جەتىسۋ اۋدانىندا 30 جاڭا وستانوۆكا كەشەنى ورناتىلعان.