كۇدىكتى ۋاقىتشا ۇستاۋ يزولياتورىنا قامالدى.
قالا پوليسەيلەرى بەينەباقىلاۋ جۇيەسى ارقىلى كەزەكتى قىلمىستى اشىپ جاتىر. شاھاردىڭ بەينەباقىلاۋ جۇيەلەرى 33 جاستاعى ەر ادامنىڭ قىلمىستىق ارەكەتتەرىن تىركەدى، دەپ حابارلايدى Almaty-akshamy.kz.
ىشكى ىسىتەر مينيسترلىگىنىڭ رەسمي سايتىنداعى مالىمەتتەر بويىنشا، بىرنەشە كۇن بۇرىن جەرگىلىكتى تۇرعىن پوليسيا بولىمىنە ارىزبەن جۇگىنگەن. ول تۇندە بەلگىسىز بىرەۋ كولىگىنە تەرەزەنى سىندىرىپ كىرىپ، قۇجاتتارى مەن جەكە زاتتارىن ۇرلاپ كەتكەنىن ايتقان.
«جەدەل ىزدەستىرۋ ءىس-شارالارى بارىسىندا كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ءبىز بۇنى كۇدىكتى جاساعان جالعىز قىلمىس دەپ ويلامايمىز. وسىعان بايلانىستى جەدەل قىزمەتتەر ونىڭ باسقا دا ۇرلىققا قاتىسى بار-جوعىن تەكسەرۋدە»، – دەدى مەدەۋ اۋداندىق پب باستىعىنىڭ مىندەتىن اتقارۋشى ەلنۇر قۇدرەتبايەۆ.