«استانا – چەلسي» ماچىنا بيلەتتەردى ساتۋ ەكى كەزەڭگە ءبولىندى. ءبىرىنشى كەزەڭى باستالماي جاتىپ اياقتالدى، سەبەبى بيلەتتەر تەز ساتىلىپ كەتكەن، دەپ حابارلايدى aqshamnews.kz. «استانا» فۋتبول كلۋبى وكىلدەرىنىڭ مالىمدەۋىنشە، ەكىنشى ساتىلىم ءالى باستالماعان.
بيلەتتەر 24 قاراشادا ساتىلىمعا شىقتى، ءبىراق ولار بىردەن ساتىلىپ كەتتى. ماچقا كەلۋشىلەر سانىنىڭ كوپ بولۋىنا بايلانىستى ساتىلىم سايتى ەلەكتروندى كەزەك جۇيەسىن ەنگىزدى.
«ەۋروپالىق ماچتارداعى تاجىريبەگە جانە قازاقستان فۋتبول فەدەراسياسىنىڭ UEFA ۇلتتار ليگاسى ويىندارى كەزىندە جيناعان تاجىريبەسىنە سۇيەنە وتىرىپ، UEFA كونفەرەنسيا ليگاسىنداعى ماچقا بيلەتتەردى ساتۋ ەكى كەزەڭمەن جۇرگىزىلەدى. بيلەتتەردىڭ ەكىنشى ساتىلىمى جەلتوقسان ايىندا باستالادى»، – دەپ حابارلادى كلۋب وكىلدەرى.
فك «استانا» وكىلدەرى بيلەتتەردى ساتۋ بارىسىندا اركىمگە تەڭ مۇمكىندىك بەرۋ ءۇشىن بارلىق شارالاردى قابىلداپ جاتقانىن اتاپ ءوتتى.