ەكىنشى دۇنيەجۇزىلىك سوعىستىڭ اياقتالۋىنىڭ 80 جىلدىعىنا وراي الماتىداعى ارميا ءۇيىنىڭ ماڭدايشاسىنا بارەلەف ورناتىلدى.
جوبانى ارميا ءۇيى مۇراجايىنىڭ ماماندارى دايىنداعان، دەپ حابارلايدى aqshamnews.kz 24.kz-كە سىلتەمە جاساپ.
شىعارماشىلىق كومپوزيسيا 28 پانفيلوۆشىلار ساياباعىنداعى داڭق ەسكەرتكىشىنە ۇقسايدى. وندا «انت»، «داڭق كەرنەيلەرى» جانە «ەرلىك» سوزدەرى جازىلعان. «ەرلىك» ەسكەرتكىشى 316-شى اتقىشتار ديۆيزياسى 1075ء-شى پولكىنىڭ جاۋىنگەرلەرىنە ارنالعان. بارەلەف – جاڭا تەحنولوگيالاردى قولدانا وتىرىپ، جەڭىل ماتەريالداردان جاسالعان.
الۋا بايقاداموۆ، كەڭەس وداعىنىڭ باتىرى، گەنەرال-مايور يۆان پانفيلوۆتىڭ نەمەرەسى:
- پانفيلوۆشىلار ساياباعى الماتىلىقتاردىڭ جىل سايىن جەڭىس كۇنىندە ماڭگىلىك الاۋعا گۇل قوياتىن تۇراقتى ساياباعى. سوندىقتان ءبىز بۇل كۇنگە قىزۋ دايىندىق ۇستىندەمىز. اشىق اسپان استىنداعى جاڭا مۇراجايدا اسكەري تەحنيكالار قويىلعان. مۇراجايدىڭ سالىنۋى ارميا ۇيىنە ەرەكشە رەڭك بەردى. ال وعان قاراما-قارسا باعىتتا قالا تۇرعىندارىنىڭ جايلى دەمالۋىنا ارنالعان سكۆەر ورنالاسقان. سوندىقتان مۋزەيگە كەلىڭىزدەر.