كەزدەسۋ قورىتىندىسى بويىنشا بيزنەس ورتا وكىلدەرى ناتيجەلى كەزدەسۋگە وڭ پىكىرلەرىن ايتتى.
Antikor Ortalygy-نىڭ ماماندارى باسەكەلەستىكتى قورعاۋ جانە دامىتۋ اگەنتتىگى وكىلدەرىمەن كەزدەستى، دەپ حابارلايدى Almaty-akshamy.kz.
كەزدەسۋ بارىسىندا باسەكەلەستىكتى قورعاۋ جانە دامىتۋ اگەنتتىگىنىڭ اپپارات باسشىسى سايان احمەتجانوۆ، الماتى قالاسى سىبايلاس جەمقورلىققا قارسى قىزمەتىنىڭ باسشىسى مۇرات احمەتوۆ، الماتى قالاسى ەكونوميكالىق تەرگەۋ قىزمەتىنىڭ باسشىسى ەمبەرگەن قۇدايبەرگەن، «الماتى – ادالدىق الاڭى» جوباسىنىڭ جەتەكشىسى، ۇلتتىق قوعامدىق سەنىم كەڭەسىنىڭ مۇشەسى اينۇر سابيتوۆا، پروكۋراتۋرا، پوليسيا، بيزنەس قوعامداستىق جانە الماتى قالاسىنىڭ كەدەرگىلەر جونىندەگى كەڭەس وكىلدەرى قاتىستى.
سپيكەرلەر مونوپولياعا قارسى ساياساتتىڭ باعىتتارى، جۇمىستاعى باسىمدىقتار، بيزنەس ورتا وكىلدەرىمەن ءوزارا قارىم-قاتىناس، "ادالدىق الاڭى" اياسىندا بىرلەسكەن جۇمىستىڭ ماڭىزدىلىعى تاقىرىبىن كوتەردى.
«ەڭ الدىمەن، پىكىر الماسۋ ءۇشىن كراۋدسورسينگ الاڭدارى اشىلعانىن اتاپ وتكىم كەلەدى، وندا ەڭ وزەكتى ماسەلەلەر بويىنشا 200-دەن استام سەسسيا ءوتتى. ەلىمىزدىڭ 17 وڭىرىندە كەدەرگىلەر جونىندەگى كەڭەستەر جۇمىس ىستەيدى، ولارعا 200-دەن استام ساراپشى قاتىسادى. وسى ۋاقىت ىشىندە كاسىپكەرلىك قىزمەتتى جۇزەگە اسىرۋدى قيىنداتاتىن 80-نەن استام كەدەرگى انىقتالدى»، - دەپ اتاپ ءوتتى اپپارات باسشىسى سايان احمەتجانوۆ.
الماتى قالاسى باسەكەلەستىكتى قورعاۋ جانە دامىتۋ دەپارتامەنتىنىڭ باسشىلىعىمەن قىزمەتتىڭ ارالىق قورىتىندىلارى تالقىلاندى، اتاپ ايتقاندا 11 حابارلاما، 13 ۇيعارىم ەنگىزىلدى، 4 تەرگەۋ اياقتالدى جانە 15 اكىمشىلىك ءىس قوزعالدى. الەۋمەتتىك باعدارلانعان نارىقتاردا تاۋارلىق گازدى وتكىزۋ، ازىق-تۇلىكتى، سونداي-اق باستاپقى تۇرعىن ءۇيدى وتكىزۋ بولىگىندە تالداۋلار اياقتالدى.
قازىرگى ۋاقىتتا مەملەكەت باسشىسىنىڭ قۇرىلىس ماتەريالدارى باعاسىنىڭ نەگىزسىز وسۋىنە جول بەرمەۋ تۋرالى تاپسىرماسىن ورىنداۋ شەڭبەرىندە باسەكەلەستىكتى قورعاۋ جانە دامىتۋ دەپارتامەنتى قۇرىلىس ماتەريالدارىن ءوندىرۋ مەن كوتەرمە ساتۋدىڭ 11 ءتۇرلى نارىعىنداعى باسەكەلەستىكتىڭ جاي-كۇيىنە تالداۋ جۇرگىزۋدە.
كەزدەسۋ قورىتىندىسى بويىنشا بيزنەس ورتا وكىلدەرى ناتيجەلى كەزدەسۋگە وڭ پىكىرلەرىن ايتىپ، وسىنداي ءىس-شارالاردى Antikor Ortalygy الاڭىندا تۇراقتى نەگىزدە شاعىن جانە ورتا بيزنەس وكىلدەرىن كەڭىنەن تارتا وتىرىپ، وتكىزۋگە تىلەك ءبىلدىردى.
الماتى قالاسىنىڭ سىبايلاس جەمقورلىققا قارسى قىزمەتىنىڭ باسشىسى مۇرات احمەتوۆ ودان ءارى ىنتىماقتاستىققا، باسەكەلەستىكتى قورعاۋ جانە دامىتۋ ورگاندارىنا ءادىسنامالىق كومەك كورسەتۋگە دايىن ەكەندىگىن ءبىلدىردى جانە بىرلەسكەن شارالار مەملەكەتتىك مىندەتتەردى شەشۋ ءۇشىن، سىبايلاس جەمقورلىققا قارسى ءىس-قيمىلدا، سونداي-اق ەلىمىزدە كاسىپكەرلىكتى دامىتۋ ءۇشىن الدەقايدا ءتيىمدى بولادى دەگەن پىكىر ءبىلدىردى.
