ولار ءوز ءىسىن اشۋعا، قوسىمشا تابىس تابۋعا مۇمكىندىك الدى
الماتىداعى ايەلدەر كاسىپكەرلىگىن دامىتۋ ورتالىعىندا 45 ادام كيىم ءپىشۋ جانە ماتا تىگۋ بويىنشا تەگىن كۋرستان ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قولونەرشىلەر ءبىر اي بويى وقىپ، ءوز ءىسىن اشۋعا جانە قوسىمشا تابىس تابۋعا مۇمكىندىك العان. قاتىسۋشىلار الداعى ۋاقىتتا دا وسىنداي ءىس-شارالار ءجيى ءوتىپ تۇرسا دەگەن نيەت ءبىلدىردى.
«ءبىز ءار انا بولاشاقتا قايتارىمسىز گرانتقا يە بولسا دەيمىز. بىزدە 2 باعدارلاما بار. ءبىرىنشىسى، 400 ايلىق ەسەپتىك كورسەتكىش كولەمىندە قايتارىمسىز گرانت الۋعا بولادى. ال «بيزنەستىڭ جول كارتاسى – 2025» باعدارلاماسى بويىنشا 2 ميلليون تەڭگەدەن 5 ميلليون تەڭگەگە دەيىن قاراجات الۋ مۇمكىندىگى بار»، – دەدى الاتاۋ اۋدانى «باقىتتى وتباسى» انالاردى قولداۋ ورتالىعىنىڭ جەتەكشىسى اقمارال باسيروۆا.