ول سيرەك شاشىراڭقى ەلەمەنتتەر مەتاللۋرگياسى سالاسىندا عىلىمي مەكتەپ اشتى.
الماتىدا كورنەكتى عالىم، پروفەسسور، قازاقستان ۇلتتىق عىلىم اكادەمياسىنىڭ اكادەميگى، ەلىمىزدەگى اتوم سالاسىنىڭ ەڭبەك سىڭىرگەن قىزمەتكەرى زينەش ابىشيەۆاعا ارنالعان ەسكەرتكىش تاقتا اشىلدى، دەپ حابارلايدى Almaty-akshamy.kz Almaty.tv سىلتەمە جاساپ.
عىلىم شىڭىن باعىندىرعان ول سيرەك مەتالدار مەتاللۋرگياسىمەن اينالىسقان. ىرگەلى زەرتتەۋلەر جاساپ، قازاقستانداعى جاراتىلىستانۋ عىلىمدارىنىڭ دامۋىنا قوماقتى ۇلەس قوستى. بۇگىندە كورنەكتى عالىمنىڭ قول جەتكىزگەن جەتىستىكتەرى مەن عىلىمي جاڭالىقتارى وندىرىسكە ەنگىزىلگەن.
«دوكتورلىق ديسسەرتاسيانى قورعاعان كوپ جىلدار وندىرىستە ىستەدى. سول كەزدە راديوگەندى ءوسمييدى الۋ تەحنولوگياسىن العان العاشقى عالىم بولىپ سانالادى. قازاقستانداعى ءبىرىنشى عالىم بولىپ ەسەپتەلىنەدى. ول كىسى عىلىم ورتاسىندا ءجۇرىپ، ساتبايەۆ ۋنيۆەرسيتەتىندە كادرلار دايىنداۋعا اكادەميالىق ورتاعا كەلدى»، – دەدى ءو. بايقوڭىروۆ اتىنداعى تاۋ-كەن مەتاللۋرگيا ينستيتۋتىنىڭ ديرەكتورى قاناي رىسبەكوۆ.
مەموريالدىق تاقتانىڭ اشىلۋىنا جينالعان زيالى قاۋىم زينەش ابىشيەۆا ءوزى قىزمەت ىستەگەن جەردىڭ بارىندە حالقىمىزدىڭ بولاشاعى ءۇشىن ايانباي ەڭبەك ەتكەنىن ەسكە الدى. پروفەسسوردىڭ ارتىندا 640-تان استام ەڭبەگى قالدى. 86 اۆتورلىق كۋالىگى بار. ول سيرەك شاشىراڭقى ەلەمەنتتەر مەتاللۋرگياسى سالاسىندا عىلىمي مەكتەپ قۇردى. ون شاقتى تەحنيكا عىلىمدارىنىڭ كانديداتىن، ەكى PhD دوكتوردى دايىندادى.
«سول سالادا عىلىمي ماماندار دايىنداۋ. زاۆودتاردا ءوزىنىڭ تەحنولوگياسىن ەنگىزىپ، سول پايدالى قازبالار جونىنەن ەڭبەك اشىپ، العان پاتەنتتەرى بار. بارلىعى سول زەينەش ساديروۆنانىڭ ارقاسىندا سول كىسىنىڭ عىلىمي مەكتەبىنىڭ ارقاسىندا ىسكە استى»، – دەدى مەتاللۋرگيا جانە كەن بايىتۋ ينستيتۋتىنىڭ باس عىلىمي قىزمەتكەرى سۇلتانبەك قوجاحمەتوۆ.