قالا اكىمى باقىتجان ساعىنتايەۆتىڭ تاپسىرماسى بويىنشا وڭىرلىك كوميسسيا شاعىن جانە ورتا بيزنەس سۋبەكتىلەرىنە كەلتىرىلگەن زالال سوماسىن انىقتاۋ بويىنشا جۇمىستى جالعاستىرۋدا، دەپ حابارلايدى اlmaty-akshamy.kz
بۇگىن العاشقى ەكى كاسىپكەرگە تارتىپسىزدىك كەزىندە كەلتىرىلگەن زالال ءۇشىن وتەماقى تولەندى. الەكساندر تكاچەنكو «موبيلكا» ءسۇ ۇيالى تەلەفوندارىن ساتتى. وزگەلەردىكى سياقتى ونىڭ بۋتيگى دە تونالدى جانە قاراقشىلار ءىس جۇزىندە جويىپ جىبەردى. ناتيجەسىندە كاسىپكەر 3،2 ملن تەڭگە شىعىنعا ۇشىرادى. ا.تكاچەنكو بارلىق قاجەتتى قۇجاتتاردى راسىمدەگەننەن كەيىن، وعان تولىق كولەمدە قاراجات اۋدارىلدى.
باسقا كاسىپكەر اركەنجان ميرزابايەۆ «ازيا پارك» سوسو جانە «ماكسيما» سوسو 2 بۋتيكتى جالعا الىپ، بالالار كيىمىن ساتتى. تارتىپسىزدىكتىڭ سالدارىنان ونىڭ بيزنەسىنە 1،8 ملن تەڭگە زالال كەلتىرىلدى. وعان دا وتەماقى قاراجاتى اۋدارىلدى.
الدىن الا مالىمەتتەر بويىنشا، الماتىدا تارتىپسىزدىك پەن توناۋ سالدارىنان 1581 كاسىپكەرلىك سۋبەكتىسى زارداپ شەككەن. شىعىن سوماسى 45،6 ملرد تەڭگەنى قۇرايدى. زالال سوماسىن ايقىنداۋ جونىندەگى وڭىرلىك كوميسسيا زارداپ شەككەن وبەكتىلەر بويىنشا، ونىڭ ىشىندە جەرگىلىكتى جەرلەرگە شىعا وتىرىپ، دەرەكتەردى جيناۋدى جالعاستىرادى.
قالا اكىمى ب. ساعىنتايەۆتىڭ تاپسىرماسىنا سايكەس، قالا شوب-كە بىرنەشە باعىت بويىنشا قارجىلىق جانە قارجىلىق ەمەس قولداۋ كورسەتەدى. وسىلايشا، زارداپ شەككەن بيزنەس سۋبەكتىلەرى جىلۋ، گاز، سۋمەن جابدىقتاۋ جانە كارىز بويىنشا 3 ايعا كوممۋنالدىق شىعىنداردان بوساتىلادى. سونىمەن قاتار، قالا مەنشىگىندەگى ءۇي-جايلاردى جالعا الاتىن كاسىپكەرلەر 6 ايعا جالگەرلىك تولەمنەن بوساتىلادى.
قوسىمشا Almaty Business-2025 قالالىق باعدارلاماسى بويىنشا كاسىپكەرلەرگە اينالىم قارجىسىنن تولىقتىرۋعا 10 ملن تەڭگەگە دەيىن جىلدىق 2%-بەن 12 ايعا كەپىلمەن نەمەسە «الماتى» اكك ءىشىنارا كەپىلدىگىمەن جەڭىلدىكتى زاەم بەرىلەدى.
سونىمەن قاتار، زارداپ شەككەن كاسىپكەرلەرگە نەگىزگى قارىزدى وتەۋ مەرزىمىن كەيىنگە شەگەرىپ، «الماتى فينانس» ج ش س مەن ميكروقارجى ۇيىمدارىندا 180 كۇنگە دەيىنگى مەرزىمگە ايىپپۇلدار مەن ءوسىمپۇلداردان بوساتادى. نەسيەلەۋدىڭ ەڭ ۇزاق مەرزىمى جارتى جىلعا، قولدانىستاعى 7 جىلدان 7،5 جىلعا دەيىن ۇلعايتىلدى، كەپىلسىز نەسيەلەۋ بويىنشا مولشەرلەمەلەر جىلدىق 12%-دان 9%-عا دەيىن تومەندەتىلدى.