الماتىدا زاڭسىز ساقتالعان قارۋدى ىزدەستىرۋ جانە تاركىلەۋ ءىس-شاراسى ءجۇرىپ جاتىر

الماتىدا «قارۋ» ءىس-شارا وتۋدە

ءىس-شارانىڭ ماقساتى – جەدەل جاعدايدى جاقسارتۋ، اتىس قارۋى مەن وق-دارىلەردى قولدانۋ ارقىلى جاسالعان قىلمىستاردىڭ الدىن الۋ جانە اشۋ، دەپ حابارلايدى Almaty-akshamy.kz Polisia.kz-كە سىلتەمە جاساپ. 

پوليسيا دەپارتامەنتى باسشىسىنىڭ ايتۋىنشا، تاجىريبە كورسەتكەندەي، مۇنداي ءىس-شارالار مەگاپوليستە قىلمىستىق جاعدايدى جاقسارتۋعا وڭ اسەر ەتەدى.

«الماتى پوليسياسىنىڭ جەكە قۇرامى قىزمەتتىڭ كۇشەيتىلگەن رەجيمىنە اۋىستىرىلدى. “قارۋ” جەدەل الدىن الۋ ءىس-شارالارى تىركەلمەگەن قارۋدىڭ ماكسيمالدى سانىن زاڭسىز اينالىمنان شىعارۋعا مۇمكىندىك بەرەدى»، – دەدى الماتى قالاسى پوليسيا دەپارتامەنتىنىڭ باستىعى قانات تايمەردەنوۆ.

سونداي-اق، پوليسيا ءىس-شارا اياسىندا ازاماتتىق قارۋدىڭ جەكە يەلەرىن قارۋ ساقتالعان عيماراتتاردا قاۋىپسىزدىك جۇيەسىنىڭ بار-جوعى مەن قولدانىلۋىنا تەكسەرىلەتىنىن ايتتى.

«الماتى پوليسياسى قارۋدى قابىلداۋ ناۋقانىن وتكىزىپ جاتقانىن ەسكە سالامىز. زاڭسىز قارۋى بار ازاماتتارعا، ولاردى ءوز ەركىمەن تاپسىرۋعا مۇمكىندىك بەرىلەدى. بۇل رەتتە، قارۋ مەن ءوق-دارiلەردi تاپسىرعان ادامدار، ەگەر ولاردىڭ قانداي دا بiر قىلمىسقا قاتىسى انىقتالماسا، قىلمىستىق جاۋاپكەرشىلىكتەن بوساتىلادى. سونىمەن قاتار، زاڭسىز ساقتالعان قارۋ-جاراق پەن وق-دارىلەردى ءوز ەركىمەن تاپسىرماعان ازاماتتار تابىلعان جاعدايدا قىلمىستىق جاۋاپكەرشىلىككە تارتىلاتىنىن ەسكەرتەمىز»، – دەپ تۇيىندەدى قانات تايمەردەنوۆ.