الماتىنىڭ قالا قۇرىلىسىن باقىلاۋ باسقارماسىنىڭ وكىلدەرى «مادەنيەت» شاعىناۋدانى، 185/8 مەكەنجايىندا ورنالاسقان «دوستار دەليۋكس» از قاباتتى تۇرعىن ءۇي كەشەنىن بۇزۋ جۇمىستارى باستالعانىن ايتتى، - دەپ حابارلايدى Aqshamnews.kz.
بۇعان دەيىن جوسپاردان تىس تەكسەرۋ بارىسىندا نىساننىڭ قۇجاتتارى تولىق ەمەس ەكەنى انىقتالعان. مەنشىك يەسىنە قاتىستى اكىمشىلىك شارالار قابىلدانىپ، جەر ۋچاسكەسىن باستاپقى قالپىنا كەلتىرۋ تۋرالى نۇسقاما بەرىلگەن.
2024 جىلى 5 تامىزدا باسقارما نۇسقامانى ماجبۇرلەپ ورىنداتۋ تۋرالى تالاپ ارىزدى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا جولدادى.
سوت شەشىمىمەن تالاپ ارىز تولىق كولەمدە قاناعاتتاندىرىلدى. 2025 جىلى 27 ناۋرىزدا الماتى قالالىق سوتى ءبىرىنشى ساتىلى سوت شەشىمىن وزگەرىسسىز قالدىردى.
وسىدان كەيىن ماتەريالدار ورىنداۋ ءۇشىن قالالىق ادىلەت دەپارتامەنتىنە جولداندى.
سوت شەشىمىن ورىنداۋ اياسىندا مەنشىك يەسى نىساندى بۇزىپ، اۋماقتى قايتادان كومدى.