الماتىدا پوليسيانىڭ “زاڭسىز كەلۋشى” جەدەل-الدىن الۋ ءىس-شاراسى بارىسىندا ەڭبەك ميگرانتى انىقتالدى.
افريكا قۇرلىعىنان كەلگەن ازامات قالاداعى مەيرامحانالاردىڭ بىرىندە ىدىس جۋۋشى بولىپ جۇمىس ىستەگەن، دەپ حابارلايدى aqshamnews.kz Polisia.kz-كە سىلتەمە جاساپ.
– 14-18 قازان ارالىعىندا قازاقستان بويىنشا “زاڭسىز كەلۋشى – 2024” رەسپۋبليكالىق جەدەل-پروفيلاكتيكالىق ءىس-شاراسى ءوتىپ جاتىر. شارانىڭ باستى ماقساتى – زاڭسىز كوشى-قون ارنالارىن انىقتاۋ، سونداي-اق ونىمەن بايلانىستى باسقا دا قۇقىق بۇزۋشىلىقتاردى انىقتاپ، ولاردىڭ جولىن كەسۋ. ءىس-شارانىڭ العاشقى كۇنىندە كوشى-قون زاڭناماسىن بۇزعان 214 ادام انىقتالدى، ونىڭ ىشىندە 157ء-سى شەتەل ازاماتتارى. سونىمەن قاتار سوت شەشىمىن ورىنداماي، ەلدەن شىقپاعان 8 شەتەلدىك تە انىقتالدى، – دەپ مالىمدەدى الماتى قالالىق پوليسيا دەپارتامەنتى كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
پوليسيانىڭ مالىمەتىنشە، كەشەگى تۇندە الماتىداعى قۇرىلىس نىساندارىنىڭ بىرىنەن 50-گە جۋىق شەتەلدىك ەڭبەك ميگرانتى تابىلعان. ولاردىڭ بارلىعى اكىمشىلىك جاۋاپكەرشىلىككە تارتىلدى.