وڭىرلىك كوممۋنيكاسيالار قىزمەتىنىڭ بريفينگىندە ستۋدەنتتەردىڭ تۇرۋى مەن وقۋى ءۇشىن قولايلى جاعداي جاساۋدىڭ ماڭىزدىلىعى تۋرالى الماتى قالاسى جاستار ساياساتى باسقارماسى باسشىسىنىڭ مىندەتىن اتقارۋشى ازيز كاجدەنبەك حابارلادى.
الماتىدا 35 جوو ورنالاسقان، وندا 199 مىڭنان استام ستۋدەنت وقيدى، ونىڭ 124 مىڭى وزگە قالادان (62%). جاتاقحانالاردىڭ تاپشىلىعى 28،7 مىڭ توسەك-ورىندى قۇرايدى، دەپ حابارلايدى aqshamnews.kz
“جول كارتاسى اياسىندا 2025 جىلدىڭ سوڭىنا دەيىن 12 مىڭ توسەك-ورىن، ال 2030 جىلدىڭ سوڭىنا دەيىن تاعى 20 مىڭ توسەك - ورىن قۇرۋ جوسپارلانعان، بۇل جاتاقحانا تاپشىلىعى ماسەلەسىن تولىعىمەن شەشۋگە مۇمكىندىك بەرەدى”، - دەدى ازيز كاجدەنبەك.
جاتاقحانا قۇرىلىسىن ءتيىمدى ۇيلەستىرۋ ءۇشىن 2023 جىلدىڭ ناۋرىز ايىندا اكىمدىك ق ر عىلىم جانە جوعارى ءبىلىم مينيسترلىگىمەن بىرلەسىپ جوبالىق كەڭسە ىسكە قوستى.
ىسكە قوسىلعان ساتتەن باستاپ جوبالىق كەڭسەگە 120 الەۋەتتى ينۆەستور جۇگىندى.
وكق سپيكەرى بۇگىنگى تاڭدا مەملەكەت باسشىسىنىڭ تاپسىرماسى بويىنشا الماتى جانە استانا قالالارىنداعى ستۋدەنتتىك جاتاقحانالارعا ارنالعان عيماراتتاردى قايتا جاڭارتۋ كەزىندە مەملەكەتتىك تاپسىرىستىڭ كولەمىن جىلىنا ءبىر توسەك-ورىن ءۇشىن 92 اەك-تەن 184 اەك-كە دەيىن 6 جىل ىشىندە ۇلعايتۋ جۇمىستارى جۇرگىزىلىپ جاتقانىن اتاپ ءوتتى.
2024 جىلى 5 752 توسەك-ورىنعا ارنالعان 11 نىساندى پايدالانۋعا بەرۋ جوسپارلانۋدا. ونىڭ ىشىندە 1200 توسەك-ورىنعا ارنالعان 4 نىسان اعىمداعى جىلدىڭ تامىز ايىندا ىسكە قوسىلادى.