18 جەلتوقساندا ساعات 11:00 الماتىدا "Walking Football" (جۇرمەلى فۋتبول) بويىنشا 1-تۋرنير وتەدى. ءتۋرنيردى الماتى قالاسى سپورت باسقارماسى ۇيىمداستىرادى، الماتى فۋتبول فەدەراسياسى تورەلىك ەتەدى. شارانىڭ وتەتىن ورنى – "قايرات" فۋتبول اكادەمياسى.
جۇرمەلى فۋتبول – جاسى 50-دەن اسقان ازاماتتارعا ارنالعان فۋتبول ويىنى، العاشىندا ءارتۇرلى سەبەپتەرگە بايلانىستى ءداستۇرلى ويىندى ويناي المايتىن فۋتبولسۇيەر اعا بۋىن وكىلدەرى ءۇشىن ارنايى ۇلىبريتانيادا شىعارىلعان بولاتىن. جۇرمەلى فۋتبولدى زالدا دا، اشىق الاڭدا دا ويناۋعا بولادى. ويىن ەرەجەلەرى فكتزالداعى فۋتبولعا ۇقساس، باستى ەرەكشەلىگى – جۇگىرۋگە بولمايدى. ەگەر ويىنشى جۇگىرىپ كەلسە، وندا وعان شتراف سالىنادى. تاعى ءبىر ماڭىزدى ەرەجە – دوپ باستان جوعارى كوتەرىلمەۋى كەرەك. زالدا فۋتزالعا ارنالعان دوپپەن وينالسا، اشىق الاڭدا كادىمگى فۋتبول دوبىن پايدالانسا بولادى.
2011 جىلدان بەرى فۋتبولدىڭ بۇل ءتۇرى ۇلىبريتانيادا قارقىندى دامىپ كەلەدى، ءقازىردىڭ وزىندە ەل بويىنشا مىڭداعان كوماندا مەن ليگا بار، كوماندا ويىنشىلارى اراسىندا 50-دەن اسقان، 60-تى القىمداعان، ءتىپتى 70ء-تى ەڭسەرگەن جاندار بار. وعان قوسا بۇل ويىندى جاسى 40-تان اسقان ايەلدەر دە وينايدى.
ويىن جۇرەككە پايدالى، اعزاعا كوپ سالماق تۇسىرمەيدى. بۇل ويىننىڭ الەۋمەتتىك ماڭىزى دا جوعارى. جۇرمەلى فۋتبول جالعىزباستى ەر ادامدارعا سىرتقا شىعىپ، قاتارلاستارىمەن بايلانىس ورناتۋعا، ءوز فورماسىن جاقسارتۋعا كومەكتەستى.
قازاقستاندا بۇل فۋتبولدى سپورت بەلسەندىسى، پەداگوگ ادامبەكوۆ ەرلان ناسيحاتتاۋدا. ونىڭ پىكىرىنشە، وسى فۋتبول تۇرىنە قىزىعاتىن ەلىمىزدىڭ اۋديتورياسى دا كەڭ.
مەكەنجايى: كۆوچكين اتىنداعى "قايرات" اكادەمياسى، ءابىش كەكىلباي ۇلى كوشەسى، 30، 050060/A15K3E4، الماتى، بوستاندىق اۋدانى.
ادامبەكوۆ ەرلان، تەل.: +7 701 761 0763.