الماتى قالاسىنىڭ ورتالىق مادەنيەت جانە دەمالىس ساياباعىندا 1979 جىلى سالىنعان ءارى جاڭارعان ۆەلوترەك اشىلدى. ءىس-شاراعا قالا اكىمى ەربولات دوسايەۆ، قازاقستاندىق ۆەلوسيپەد سپورتى فەدەراسياسىنىڭ پرەزيدەنتى، بيزنەسمەن نۇرلان سماعۇلوۆ، سپورت قوعامداستىعىنىڭ وكىلدەرى جانە باسقالار قاتىستى، دەپ حابارلايدى اlmaty-akshamy.kz.
سپورت كەشەنىن مودەرنيزاسيالاۋ ۆەلوترەكتى قازاقستاندىق ۆەلوسيپەد سپورتى فەدەراسياسىنىڭ سەنىمدى باسقارۋىنا بەرگەننەن كەيىن دەمەۋشىلىك قارجى ەسەبىنەن جۇرگىزىلدى. الماتى اكىمى ەربولات دوسايەۆ ۆەلوترەك بەلسەندى ءومىردى قالايتىندار ءۇشىن تارتىلىس ورتالىعىنا اينالاتىنىن جانە ءدال وسى جەردە قالانىڭ جاس سپورتشىلارى ءوز تالانتتارىن اشا الاتىنىن اتاپ ءوتتى.
ۆەلوترەكتە ۆەلوسپورتتىڭ 4 ءتۇرىن دامىتۋعا جاعدايلار جاسالعان، ولار – ماۋنتينبايك، ۆمح (تريۋك ءتۇرى)، تاس جول جانە ترەكتەر، سونىمەن قاتار قالاداعى ەڭ ۇلكەن سكەيتپارك. ۆەلوترەكتى ءبىر مەزگىلدە 100-گە جۋىق ۆەلوسيپەدشى پايدالانادى. كەشەن اۋماعىندا ەندى ترياتلەتتەر، جۇگىرۋشىلەر، پاۋەرليفتەرلەر، سكەيتەرلەر جانە ت. ب. جاتتىعا الادى.