قايعىلى جاعداي الماتىدا تۇندە مەدەۋگە اپارار جولدا ورىن الدى.
موتوسيكل مەن ۆەلوسيپەد سوقتىعىسىپ، ەكى ادام قازا تاپتى. جول اپاتىنىڭ ۆيدەوسى الەۋمەتتىك جەلىدە تاراپ جاتىر، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتىنىڭ مالىمەتىنشە، جول-كولىك وقيعاسى تۇنگى ساعات ءبىر شاماسىندا مەدەۋ اۋدانىندا بولدى.
«موتوسيكل مەن ۆەلوسيپەدتىڭ سوقتىعىسۋى سالدارىنان ەكى كولىكتىڭ دە جۇرگىزۋشىسى قازا تاپتى. اتالعان فاكتى بويىنشا الماتى قالالىق پوليسيا دەپارتامەنتىنىڭ انىقتاۋ باسقارماسى ق ر قىلمىستىق كودەكسىنىڭ 345-بابىنىڭ 4-بولىگى (ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ) بويىنشا سوتقا دەيىنگى تەرگەۋ امالدارىن باستادى. ساراپتامالار تاعايىندالدى»، - دەپ ءتۇسىندىردى قالالىق پوليسيا دەپارتامەنتىنىڭ باسپا ءسوز قىزمەتى.