قالادا 85 ۆاكسيناسيا پۋنكتى بار ەكەنىن، قۇرامىندا 313 ادام بار 99 ەكپە بريگاداسى جۇمىس ىستەدى.
الماتىعا جۇمىس ساپارىمەن ق ر پرەمەر-مينيسترىنىڭ ورىنباسارى ەرالى توعجانوۆ كەلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆيسە-پرەمەر قالاداعى ەپيدەميولوگيالىق جاعداي بويىنشا كەڭەس وتكىزدى.
جيىن بارىسىندا الماتى قالاسى اكىمنىڭ ورىنباسارى اسەم ءنۇسىپوۆا حالىقتى ۆاكسينالاۋ بارىسى تۋرالى بايانداما جاسادى.
«قالادا ۆاكسينا الۋعا ءتيىس حالىقتىڭ سانى - 1 313 040 ادام. 2021 جىلدىڭ اقپان ايىنان بۇگىنگە دەيىن ۆاكسينانىڭ 1 كومپونەنتىمەن 1 228 761 ادام، 2 كومپونەنتپەن 1 194 146 ادام ەگىلدى. 2021 جىلدىڭ قاراشا ايىنان بۇگىنگە دەيىن ريەۆاكسيناسيادان 499 043 ادام ءوتتى. بۇگىنگى كۇنگە Pfizer ۆاكسيناسىمەن 117 554 ادام ەگىلدى»، - دەدى قالا اكىمىنىڭ ورىنباسارى.
ول سونداي-اق قالادا 85 ۆاكسيناسيا پۋنكتى بار ەكەنىن، قۇرامىندا 313 ادام بار 99 ەكپە بريگاداسى جۇمىس ىستەيتىنىن جەتكىزدى.
«ۆاكسينانىڭ بارلىق ءتۇرىنىڭ وسى ايعا قالعان قالدىعى بويىنشا 1 كومپونەنتكە — 64 094 دوزا، 2 كومپونەنتكە — 90 605 دوزا، ريەۆاكسيناسياعا — 103 543 دوزا بار. جالپى، 258 242 دوزا بار»، - دەپ اتاپ ءوتتى اسەم ءنۇسىپوۆا.