ءقاۋىپتى ىندەتكە قارسى ۆاكسينا الۋ جالعاسۋدا
الماتى تەحنولوگيالىق ۋنيۆەرسيتەتى قىزمەتكەرلەرىنىڭ 90 پايىزى كوروناۆيرۋسقا قارسى ەكپە سالدىردى، دەپ حابارلايدى Almaty-akshamy.kz.
جوعارى وقۋ ورىنىنىڭ تاربيە جۇمىسى جانە الەۋمەتتىك ماسەلەلەر جونىندەگى پرورەكتورى ديليارا بيسالييەۆانىڭ ايتۋىنشا، ۇجىم ۆاكسينانىڭ ماڭىزدىلىعىن جاقسى تۇسىنەدى.
«قازىرگى تاڭدا ۋنيۆەرسيتەتتە بارلىعى 646-قىزمەتكەر ەڭبەك ەتەدى. ولاردىڭ 90% -ى ۆاكسينانىڭ ەكى كومپونەنتىمەن دە ەگىلدى. ال 9%-دا مەديسينالىق قارسى كورسەتىلىمى بار. ايتا كەتۋ كەرەك، وقۋ عيماراتىندا اshyq جۇيەسى جۇمىس ىستەيدى»، - دەدى پرورەكتور.
سونداي-اق، ۆاكسينا العان ستۋدەنتتەر اراسىندا ۇتىس ويىندارى ويناتىلعان.
«ۆاكسينا العان 100 ستۋدەنتكە «وڭاي» جول ءجۇرۋ كارتاسى تاراتىلدى، 200 ستۋدەنت جاتاقحانامەن قامتىلدى، 60 ستۋدەنتكە «مەلومان» كىتاپ دۇكەنىنەن كىتاپ الۋ ءۇشىن سەرتيفيكات بەرىلدى، 40 ستۋدەنت اتۋ-دىڭ تىلدىك كۋرسىندا وقيدى»،- دەدى ديليارا بيسالييەۆا. ستۋدەنتتەر بۇگىنگى كۇنى دە ءقاۋىپتى ىندەتكە قارسى ۆاكسينا سالدىرىپ جاتىر.