الماتىدا تمد، بالتىق جانە گرۋزيا ەلدەرىنىڭ V جاستار تەاتر فورۋمى باستالدى.
وعان ازەربايجان، ارمەنيا، بەلارۋس، قازاقستان، قىرعىزستان، مولدوۆا، رەسەي، تاجىكستان جانە وزبەكستاننان كەلگەن ەكى جۇزدەن استام رەجيسسەر، دراماتۋرگ، اكتەر، سەنوگراف پەن تەاتر سىنشىلارى قاتىسۋدا، دەپ حابارلايدى Almaty-akshamy.kz مادەنيەت جانە اقپارات مينيسترلىگىنىڭ باسپا ءسوز قىزمەتىنە سىلتەمە جاساپ.
اتالمىش جوبا – جاس تەاتر قاتىسۋشىلارىنىڭ اۋقىمى مەن بىرلەستىگى جاعىنان دوستاس ەلدەردىڭ مادەنيەت سالاسىنداعى بىرەگەي فورۋمى. تمد ەلدەرىنىڭ مادەنيەت جانە ونەر سالاسىنداعى بايلانىستاردى ساقتاۋعا جانە دامىتۋعا ىقپال ەتەدى.
فورۋم تريەننالە فورماتىندا – ءۇش جىلدا ءبىر رەت وتەدى. 2012 جىلى ول كيشينيەۆتە (مولدوۆا)، 2015 جىلى مينسكىدە (بەلارۋس)، 2018 جىلى ەريەۆاندا (ارمەنيا)، 2021 جىلى تاشكەنتتە (وزبەكستان) ءوتتى. ءار فورۋمعا تمد، بالتىق جانە گرۋزيا ەلدەرىنەن قاتىسۋشىلار كەلەدى. 12 جىل ىشىندە وعان مىڭنان استام ادام قاتىسىپ، 20000-نان اسا كورەرمەن تاماشالادى.
الماتىدا ءوتىپ جاتقان ءىس-شارا ۇزاق شىعارماشىلىق پروسەسستىڭ شارىقتاۋ شەگى دەسەك تە بولادى. حالىقارالىق ساراپشىلار كەزەڭ-كەزەڭىمەن ۇزدىك سپەكتاكلدەردى تاڭداپ، فورۋمعا قاتىسۋ ءۇشىن سۋرەتشىلەر مەن دراماتۋرگتەردى كونكۋرستىق ىرىكتەۋدەن وتكىزدى.
ونىڭ باستى ماقساتى – تمد ەلدەرىنىڭ شىعارماشىل جاستاردىڭ ىنتىماقتاستىعىنا ىقپال ەتە وتىرىپ، جاس تەاتر كوشباسشىلارىن انىقتاپ، ولاردى بىرىكتىرۋگە ارنالعان.
فورۋم اياسىندا ىرىكتەۋدەن وتكەن سپەكتاكلدەر كورسەتىلەدى، سۋرەتشىلەر كاتالوگتارى مەن جاس دراماتۋرگتەردىڭ پەسالار جيناعى ۇسىنىلىپ، دارىستەر، سەمينارلار ۇيىمداستىرىلادى.
فورۋمداعى ۇزدىك سپەكتاكل 2025 جىلدىڭ مامىر-شىلدە ايلارى ارالىعىندا ماسكەۋدە وتەتىن ا.پ. چەحوۆ اتىنداعى XVII حالىقارالىق تەاتر فەستيۆالىنىڭ قاتىسۋشىسى اتانادى.
ءبىلىم بەرۋ باعدارلاماسى اياسىندا شەتەلدىك رەجيسسەرلەر مەن دراماتۋرگتەردىڭ، كاسىبي تەاتر ماماندارىنىڭ شەبەرلىك سىنىپتارىن وتكىزۋ جوسپارلانعان.