الماتىدا بايگەدەن قازاقستان چەمپيوناتىنىڭ قورىتىندىسى بويىنشا ەڭ ۇزدىك شاباندوزدار تاڭدالدى
الماتىدا قالا اكىمدىگى مەن قازاقستان رەسپۋبليكاسى ۇلتتىق سپورت تۇرلەرى قاۋىمداستىعىنىڭ قولداۋىمەن جارىستىڭ ەڭ كونە تۇرلەرىنىڭ ءبىرى – بايگە بويىنشا قازاقستان رەسپۋبليكاسى چەمپيوناتىنىڭ فينالى ءوتتى. ءىس-شارانى «بايگە فەدەراسياسى» رقب ۇيىمداستىردى، دەپ حابارلايدى اlmaty-akshamy.kz.
فينالدىق جارىستاردا قازاقستاننىڭ تۇكپىر-تۇكپىرىنەن ىرىكتەۋ كەزەڭدەرىنىڭ جەڭىمپازدارى باسەكە ءتۇستى. ولار ەارىس بارىسىندا سايىس رۋحى مەن ادال كۇرەس احۋالىن قالىپتاستىردى. جارىستىڭ جالپى جۇلدە قورى 82 500 000 تەڭگەنى قۇرادى.
جارىس قورىتىندىسى بويىنشا بىرنەشە جەڭىمپاز ىرىكتەلدى.
سونىمەن، ۇشقىر بايگە سايىسى بويىنشا ءى ورىندى وراسان زور ارعىماعىمەن شاباندوز ديداربەك كۇرىشبەك يەلەندى.1 ورىن ءۇشىن جۇلدە قورى 2 500 000 ملن تەڭگەنى قۇرادى.
قۇنان بايگە سايىسىندا شاباندوز ارنات مۇراتحان جۇلدىزاي تۇلپارىمەن جەڭىسكە جەتتى. مۇندا 1 ورىن ءۇشىن جۇلدەلى قور 5 000 000 ملن تەڭگەنى، 2 ورىن ءۇشىن - 2 500 000 ملن تەڭگەنى جانە 3 ورىن ءۇشىن - 1 500 000 ملن تەڭگەنى قۇرادى.
جورعا جارىس سايىسىندا I ورىندى شاباندوز ماقسات ءمۇسىلىم ۇلى بانزاي اتىمەن جەڭىپ الدى.1 ورىن ءۇشىن جۇلدە قورى 3 000 000 ملن تەڭگەنى قۇرادى.
قۇنان بايگەنىڭ فينالدىق جارىسىندا شاباندوز ارنات مۇراتحان بىرگە زىمىران ارعىماعىمەن جەڭىمپاز اتاندى.1 ورىن ءۇشىن جۇلدە قورى 5 000 000 ملن تەڭگەنى قۇرادى.
توپ بايگە سايسىندا جارىس قورىتىندىسى بويىنشا ءبىرىنشى جۇلدەنى شاباندوز ابزال تۇرمىس تۇمار ەسىمدى اتىمەن جەڭىپ الدى. 1 ورىن ءۇشىن جۇلدە قورىور 8 000 000 ملن تەڭگەنى، 2 ورىن ءۇشىن - 3 000 000 ملن تەڭگەنى جانە 3 ورىن ءۇشىن - 1 500 000 ملن تەڭگەنى قۇرادى.
الامان بايگە بويىنشا I ورىندى شاباندوز الىشەر تىلەك قۇپيا ەسىمدى ارعىماعىمەن يەلەندى. 1 ورىن ءۇشىن جۇلدە قورى 10 000 000 ملن تەڭگەنى قۇرادى.
ۇلى المان بايگەسىندە ءى ورىندى شاعالا اتىمەن شاباندوز اسلانبەك ءابدىحال جەڭىپ الدى.1 ورىن ءۇشىن جۇلدە قورى 9 000 000 ملن تەڭگەنى قۇرادى
چەمپيوناتتىڭ مۋزىكالىق كوڭىل - كۇيىن فەدەراسيا امباسسادورى اسىلبەك ەڭسەپوۆ، قازاق ەستراداسىنىڭ سۇيىكتى ارتىستەرى مەدەۋ ارىنبايەۆ پەن ازىمبەك بەيلين كوتەردى. ءىس – شارا اياسىندا «ۇلتتىق كيىم - ۇلت اجارى» بايقاۋى ۇلتتىق كوستيۋمدەر بايقاۋى ءوتتى. ونىڭ جەڭىمپازى باقىتگۇل پاردايەۆا بولدى.
ايتا كەتەرلىگى، كەلەسى جىلى چەمپيوناتقا جاڭا قالالاردى قوسۋ جانە قاتىسۋشىلار ءۇشىن جۇلدە قورىن ۇلعايتۋ جوسپارلانۋدا.