بۇل تۋرالى باس پروكۋراتۋرانىڭ 1 قىزمەت باستىعىنىڭ ورىنباسارى ەلدوس قيلىمجانوۆ مالىمدەدى.
ونىڭ ايتۋىنشا، كۇدىكتىلەردىڭ وسى قىلمىستارعا قاتىسى بارىن بەينەكامەرا جازبالارى، كۋاگەرلەردىڭ جاۋابى مەن ساراپتامالىق زەرتتەۋلەر راستاپ وتىر، دەپ حابارلايدى Almaty-akshamy.kz.
الماتىدا جاپپاي تارتىپسىزدىكتەر كەزىندە ءۇش ازامات پوليسيانىڭ 42 قىزمەتتىك اۆتوكولىگىن قيراتقان.
الماتى قالاسىندا ارنايى پروكۋرورلار ءۇش ازاماتقا قاتىستى سوتقا دەيىنگى تەرگەۋدى اياقتادى. ولار جاپپاي تارتىپسىزدىكتەرگە قاتىسىپ، مەملەكەتتىك ورگانداردىڭ عيماراتىنا شابۋىل جاسادى جانە بيلىك وكىلدەرىنە كۇش قولداندى دەگەن كۇدىككە ءىلىندى.
«قاڭتاردىڭ 4-ىنەن 5-نە قاراعان ءتۇنى اتالعان قىلمىسكەرلەر الماتى قالاسىنىڭ ورتالىق الاڭىندا بولىپ، باسقا ادامدارمەن توپتاسا وتىرىپ، پوليسيانىڭ 42 قىزمەتتىك اۆتوكولىگىن قيراتتى. قولجەتىمدى قۇرالدارمەن قارۋلانىپ، قۇقىق قورعاۋ قىزمەتكەرلەرىنە قاتىستى زورلىق-زومبىلىق جاسادى. سودان كەيىن اكىمدىك عيماراتىنا شابۋىل جاساۋعا جانە ورتەۋگە بەلسەندى قاتىستى»، - دەدى قيلىمجانوۆ.
كۇدىكتىلەردىڭ وسى قىلمىستارعا قاتىسى بارىن بەينەكامەرا جازبالارى، كۋاگەرلەردىڭ جاۋابى مەن ساراپتامالىق زەرتتەۋلەر راستاپ وتىر. قىلمىستىق ءىس ايىپتاۋ اكتىسىمەن سوتقا جولداندى.