بيىل «جاس قانات» شاعىناۋدانىندا ءۇش كارىز سورعى ستانسياسىن ورناتۋ اياقتالادى. مۇنى الماتى اكىمى ەربولات دوسايەۆ تۇركسىب اۋدانى تۇرعىندارىمەن كەزدەسۋدە ايتتى، دەپ حابارلايدى اlmaty-akshamy.kz.
سونىمەن قاتار، 1،5 مىڭنان استام ءۇيدى قامتي وتىرىپ، «اۆياتور»، «المەرەك» جانە «ماياك» شاعىناۋداندارىندا 64 شاقىرىم جەلىنى سالۋ جۇمىستارى باستالدى.
ايتا كەتەيىك، 2022 جىلى اۋداندا 100 شاقىرىمنان استام سۋمەن جابدىقتاۋ جانە سۋ بۇرۋ جەلىلەرى سالىنىپ، قالپىنا كەلتىرىلدى. بايماعامبەتوۆ – شەمياكين – كومينتەرن – ايتىقوۆ كوشەلەرىنىڭ بولىگىندەگى 21 شاقىرىم جەلى جاڭعىرتىلىپ، «جاس قانات»، «شۋاقتى» جانە «نيجنيايا پياتيلەتكا» شاعىناۋداندارىندا 82 شاقىرىم جاڭا جەلى سالىندى.
وسى شاعىناۋداندارداعى قالعان 47 شاقىرىم جەلى بويىنشا جۇمىستار جالعاسىپ جاتىر، ول بيىل اياقتالادى. بۇل 6 مىڭنان استام ابونەنتتى ساپالى سۋمەن جانە كاناليزاسيامەن قامتۋعا مۇمكىندىك بەرەدى.