جاڭا مارشرۋتتار 15 تامىزدان باستاپ ىسكە قوسىلا باستايدى.
مەتروپوليتەننىڭ جاڭا ستانسيالارىنىڭ ىسكە قوسىلۋىن ەسكەرە وتىرىپ، قالانىڭ باتىس بولىگىندەگى مارشرۋت جەلىسىن تۇزەتۋ جۇمىستارى اياسىندا ءۇش جاڭا مارشرۋت اشۋ جوسپارلانىپ وتىر. سونىمەن قاتار قولدانىستاعى توعىز مارشرۋت سىزباسىنا وزگەرىستەر ەنگىزىلەدى، دەپ حابارلايدى Almaty-akshamy.kz.
15 تامىزدان باستاپ "اباي" شاعىناۋدانىنان كارەرنايا كوشەسى ارقىلى مومىش ۇلى مەترو ستانسياسىنا دەيىن جۇرەتىن №49 جانە "اسىل ارمان" ىقشاماۋدانىنان "بەساعاش" شاعىناۋدانىنا دەيىن قاتىنايتىن №100 مارشرۋتتاردى اشۋ جوسپارلانعان. سونىمەن قاتار 30 تامىزدان باستاپ "كەمەرتوعان" شاعىناۋدانىنان مومىش ۇلى مەترو ستانسياسىنا دەيىن قاتىنايتىن №53 مارشرۋتتى ىسكە قوسۋ جوسپاردا بار.
قولدانىستاعى №137 مارشرۋت ەكىگە بولىنەتىن بولادى. باتىس بولىكتە ناۋرىزباي اۋدانىنىڭ اكىمشىلىك ورتالىعىنان "ادەم" سو-نا دەيىن قىسقارتىلعان №137 مارشرۋت قالادى، ال شىعىس بولىكتە "ادەم" سو مەن "قايرات" شاعىناۋدانى ارالىعىندا №138 قاتىنايدى. مارشرۋتتى 15 تامىزدان باستاپ شىعارۋ جوسپارلانىپ وتىر.
№55 مارشرۋت مەترو ستانسيالارىنا دەيىن جەتكىزۋشى رەتىندە اشىلىپ، باستاپقىدا ونى مومىش ۇلى ستانسياسىنا دەيىن قىسقارتۋ جوسپارلانعان بولاتىن. الايدا جولاۋشىلار تاراپىنان سۇرانىستىڭ جوعارى ەكەندىگىن ەسكەرە وتىرىپ، مارشرۋتتى التىنسارين داڭعىلىنان كەرى بۇرۋ تۋرالى شەشىم قابىلداندى.
№110 مارشرۋت 10 تامىزدان باستاپ ءبىر ايالداماعا ۇزارتىلىپ، مومىش ۇلى مەترو ستانسياسىمەن بايلانىستىرىلاتىن بولادى.
№212 مارشرۋتتى 15 تامىزدان باستاپ قالا ورتالىعىنا دەيىن قىسقارتۋ جوسپارلانعان. ەندى مارشرۋت جاندوسوۆ ەلدى مەكەنىنەن ساين-جاندوسوۆ كوشەلەرى قيىلىسىنا دەيىن جۇرەدى.
سونىمەن قاتار 15 تامىزدان باستاپ №78 مارشرۋت الماتىعا سولتۇستىك-باتىس بولىكتەن كىرەتىن قالا ماڭى تۇرعىندارى ءۇشىن مومىش ۇلى مەترو ستانسياسىنا جەتكىزەتىن مارشرۋت بولادى. ال №23 مارشرۋت الماتى-2 تەمىرجول ۆوكزالىنا دەيىن قىسقارتىلادى.