الماتىدا ۋرولوگتاردىڭ پلەنۋمى ءوتتى

ون جىلدا الماتى قالاسى بويىنشا ەر ادام بەدەۋلىگى 47،3%-عا وسكەن

بۇگىن ورتالىق قالالىق كلينيكالىق اۋرۋحانا بازاسىندا قازاقستان ۋرولوگتارىنىڭ پلەنۋمى وتكىزىلىپ، وندا قازاقستاننىڭ بارلىق تۇكپىرىنەن كەلگەن تانىمال عالىمدار مەن ۋرولوگ-ماماندار قاتىستى، دەپ حابارلايدى Almaty-akshamy.kz. 

پلەنۋمعا قاتىسۋشىلار ۋرولوگيالىق قىزمەت ءۇشىن ايتارلىقتاي ماسەلەلەردىڭ، اسىرەسە، ۋرولوگيانىڭ ماماندارى پوتەنسيالىنىڭ دامۋى، ءبىلىم باعدارلامالارىن جۇزەگە اسىرۋ، رەزيدەنتتەردى دايىنداۋ ساپالىعىن جاقسارتۋ، ۋرولوگيالىق نوزولوگيا بويىنشا تاريفتەردى ۇلعايتۋ، ەمدەۋ حاتتامالارىن جاڭارتۋ، جاڭا دياگنوستيكالىق ىڭعايلار جانە ۋرولوگياعا يننوۆاسيالىق تەحنولوگيالاردى ەنگىزۋدى قاراستىردى. 

سونىمەن قاتار، ماجىلىستە جەتەكشىلىك ەتەتىن حالىقارالىق ماماندارمەن ىس-تاجىريبەمەن الماسۋ جونىندە ايتىلدى. 
پلەنارلىق ماجىلىستە قازاقستان ۋرولوگتار قاۋىمداستىعىنىڭ پرەزيدەنتى مىرزاكارىم الشىنبايەۆ، «س.د. اسفەندياروۆ اتىند. قازۇمۋ» كەاق رەكتورى مارات شورانوۆ، «استانا مەديسينالىق ۋنيۆەرستيتەتى» كەاق رەكتورى قامالجان نادىروۆ، «قازاقستا-رەسەي مەديسينالىق ۋنيۆەرستيتەتى» كەۋق رەكتورى نۇرلان جايناقبايەۆ، نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ، «الەۋمەتتىك مەديسينالىق ساقتاندىرۋ قورى» كەاق ءتوراعاسىنىڭ ورىنباسارى ءىلياس مۇحامەدجان، وبلىستاردان كەلگەن باس ۋرولوگتار، سونداي-اق، الماتى قالاسىنىڭ مەديسينالىق ۇيىمدارىنىڭ باس دارىگەرلەرى بايانداما ءسوز سويلەدى. 

ايتا كەتەتىن جايت، قالالىق كلينيكالىق اۋرۋحانادا بيىلعى جىلى ۋرولوگيا جانە اندرولوگيا ورتالىعى اشىلىپ، وندا نەسەپ جولى جۇيەسىنىڭ ءتۇرلى اۋرۋشاڭدىعىمەن اۋراتىندارعا كونسۋلتاتيۆتىك، دياگنوستيكالىق، ەمدىك جانە الدىن الۋ كومەگى كورسەتىلۋدە.

ورتالىق الەمدىك ستاندارت تالاپتارىنا ساي كەلەتىن كت، مرت، ەكسپەرت كلاستى ۋزي اپپارات، قاشىقتىق تولقىندى-سوققىلى ليتوتريپتەر، روبوتتالعان وڭالتۋ كەشەنى، ۆاپوريزاسيا جانە رەزەكسيا جاساۋعا ارنالعان ءتۋلييلى لازەرلى كوپفۋنكسيالىق حيرۋرگيالىق جۇيە سەكىلدى جاڭا قۇرال-جابدىقتارمەن جابدىقتالعان. 

سونداي-اق، ورتالىق نەسەپ جولى جۇيەسىنە كت، رەنتگەندىك زەرتتەۋگە ءتۇسىرۋ، قۇرال-سايماندىق جانە زەرتحانالىق تەكسەرىستەر جۇرگىزۋ مۇمكىندىگى قارالعان جانە قادامدىق قانا جەردە ورنالاسقان، مۇندا تالدامالاردى الۋ، سپەرموگرامما تالداماسىن جۇرگىزۋ قاراستىرىلعان. 

مىرزاكارىم الشىنبايەۆ سويلەگەن سوزىندە اتاپ وتكەندەي، بۇگىنگى كۇنى ەر ادامنىڭ دەنساۋلىعى پروبلەماسى الەم بويىنشا وتە كۇردەلى بولىپ تابىلادى جانە دە جىل سايىن پاسيەنتتەردىڭ سانى وسۋدە. ون جىلدىق كەزەڭ ىشىندە الماتى قالاسى بويىنشا ەر ادام بەدەۋلىگى 47،3%-عا، نەسەپ-تاس اۋرۋى - 33،9%-عا وسكەن. كەزدەسۋ اياقتالعاننان سوڭ قاتىسۋشىلارمەن ۋرولوگيالىق قىزمەتتى بۇدان دا مىقتى دامىتۋ قورىتىندىسى جاسالدى.