ورتالىق قالالىق كلينيكالىق اۋرۋحانا بازاسىندا رەسەيدەن كەلگەن ارىپتەستەردىڭ، اتاپ ايتقاندا، ساۋلەلىك دياگنوستيكا ءبولىمىنىڭ مەڭگەرۋشىسى ناتاليا رۋبسوۆانىڭ جانە رف ماسكەۋ قالاسى دم «راديولوگيا ۇمزي» فگبۋ فيليلالىنىڭ پ.ا.گەرسەن اتىنداعى كت جانە مرت بولىمشەسىنىڭ رەنتگەنولوگ-دارىگەرى الەكساندرا گولبيستىڭ، رەسەي جانە تمد بويىنشا مرت GE Healthcare دەپارتامەنتىنىڭ مەديسينا كەڭەسشىسى، تيۋمەن قالاسىنىڭ رەنتگەنولوگ-دارىگەرى يگور كرىمسكويدىڭ جانە باسقالاردىڭ قاتىسۋىمەن ءتورت كۇندىك حالىقارالىق عىلىمي-تاجىريبەلىك كونفەرەنسيا ءوتتى، دەپ حابارلايدى Almaty-akshamy.kz.
الماتى قالاسى قوعامدىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، كونفەرەنسياعا قازاقستاننىڭ ساۋلەلىك دياگنوستيكا دارىگەرلەرى مەن رەزيدەنت دارىگەرلەر قاتىستى.
ماماندار ۋرولوگيا جانە گينەكولوگيا سالالارىندا ءتۇرلى اۋرۋى بار پاسيەنتتەردى ەمدەۋدىڭ دۇرىس ءادىسىن ىرىكتەۋ، جۇرگىزىلەتىن زەرتتەۋ ساپاسىنىڭ كريتەرييلەرى بويىنشا ساۋالداردىڭ كەڭەيتىلگەن سپەكترلەرىن قاراستىردى.
«نەسەپ-جىنىس جۇيەلەرى ورگاندارى ىسىكتەرىن دياگنوستيكالاۋدا تيىمدىلىك كورسەتكىشتەرى بويىنشا ماگنيتتىك-رەزونانستىق توموگرافيا جانە كومپيۋتەرلىك توموگرافيا ۋلترادىبىستىق ادىستەن ايتارلىقتاي باسىم بولىپ كەلەدى. ىسىكتىك وسكىندەر، ولاردىڭ قاتەرلى بولۋى، كورشىلەس ورگاندارعا مەتاستازداۋ، تىندەگى وسكىندەر ينۆازياسى مرت جانە كت-دا جاقسى كورىنەدى. اتالمىش توموگرافيالار نەسەپ-جىنىس جۇيەسى ورگاندارى ىسىكتەرىنىڭ ءوسۋ سيپاتتاماسى تۋرالى تالقىلاۋعا جانە كەيبىر جاعدايلاردا ولاردىڭ مورفولوگيالىق قۇرىلىسى تۋرالى ايتۋعا مۇمكىندىك بەردى. توموگراممالاردا ىسىك بارىسىنىڭ جەرگىلىكتى تارالۋىن انىقتاۋ، سونىڭ ىشىندە، تامىرلاردىڭ ءوسۋى، ليمفاتيكالىق تۇيىرشىكتەرگە مەتاستازداۋىن انىقتاۋعا بولادى. كەزەڭ-كەزەڭ زەرتتەۋدىڭ ساۋلەلىك ادىستەرىنىڭ قورىتىندىلارىن دەرەكتەۋ جانە زەرتتەۋ جۇرگىزۋ ستاندارتتارى، جىكتەلۋى قاراستىرىلدى. اتالعان وزگەرىستەردى ءبىلۋ، حالىقارالىق ماماندارمەن ىس-تاجىريبەمەن الماسۋ پاتولوگيالاردى دياگنوستيكالاۋ ەبىن وڭتايلاندىرادى. سونىمەن قاتار، كونفەرەنسيا بارىسىندا باسقا دا اۋرۋلار بويىنشا تۋىنداعان ساۋالدار قاراستىرىلدى»،- دەپ ءبولىستى وقكا ساۋلەلىك دياگنوستيكا بولىمشەسىنىڭ مەڭگەرۋشىسى اليما تورەمۋراتوۆا.
ورتالىق قالالىق كلينيكالىق اۋرۋحانا ءوز كەزەگىندە كونفەرەنسيانى وتكىزۋ جانە ۇيىمداستىرۋدا كومەك كورسەتكەنى ءۇشىن س.د.اسفەندياروۆ اتىنداعى قازۇمۋ-دىڭ «ۆيزۋالدىق دياگنوستيكا» كافەدراسىنا العىسىن بىلدىرەدى.