الماتىدا ۇرلىق جاساپ جۇرگەن كۇدىكتى انىقتالدى

ب. ەسىمدى ازامات بۇرىن دا بىرنەشە رەت سوتتى بولعان.

الماتىنىڭ جەكە سەكتورىندا ۇرلىق جاساپ جۇرگەن كۇدىكتى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

38 جاستاعى وبلىس تۇرعىنى الماتى تۇرعىندارىنىڭ ۇيىنە تاڭعى ساعات 04:00-05:00 ارالىعىندا كىرىپ جۇرگەن. ءۇي يەلەرىنىڭ ۇيىقتاپ جاتقانىن پايدالانىپ، ەر ادام ولاردىڭ ۇيىندە «يەلىك» ەتىپ جۇرگەن.

«شاقىرىلماعان قوناق» قورشاۋدان سەكىرىپ ءوتىپ، اۋلاعا كىرىپ كەتكەن. ونىڭ ۇستىنە ول ءتورت اياقتى كۇزەتشىسى جوق ۇيلەردى تاڭدادى: يتتەرى بار ۇيلەردى اينالىپ ءوتىپ جۇرگەندىگى بەلگىلى بولدى. تۇنگى ۋاقىتتا كەيبىر ادامداردىڭ ءۇيىنىڭ ەسىكتەرى جابىلمايدى ەكەن. بۇل فاكتور قاسكوي ءۇشىن جاقسى بولدى. بوتەن بىرەۋدىڭ ۇيىنەن ول تەلەفون، اقشا، زەرگەرلىك بۇيىمداردى ىزدەگەن. جەڭىل جولمەن اقشا تابۋدى ۇناتاتىن ادامدى ءبىزدىڭ بولىمشەنىڭ كريمينالدىق پوليسيا قىزمەتكەرلەرى ۇستادى. قازىرگى ۋاقىتتا ونىڭ قاتىسۋىمەن ءتورت قىلمىستىق ەپيزود انىقتالدى. پاتەردەن توناۋ دەرەكتەرى بۇدان دا كوپ بولۋى مۇمكىن ەكەنىنە سەنىمدىمىن – بۇل نۇسقا ءقازىر مۇقيات تەكسەرىلىپ جاتىر»، – دەدى ناۋرىزباي اۋداندىق پوليسيا باسقارماسىنىڭ باستىعى دانيار مەڭدەبايەۆ.

سونىمەن قاتار سپيكەر ب.ەسىمدى ازاماتتىڭ بوتەننىڭ مۇلكىنە قۇمارلىعى ءۇشىن بۇرىن بىرنەشە رەت سوتتى بولعاندىعىن ايتتى.