الماتىدا ۇرلىق جاساعان كۇدىكتىلەر ۇستالدى

جەتىسۋ اۋدانىنىڭ پوليسيا قىزمەتكەرلەرى ەكى تەلەفون ۇرلىعىن اشتى. 

ەكى قىلمىس تا ءىرى ساۋدا ۇيىندە جاسالعان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ءبىرىنشى جاعدايدا بەلگىسىز بىرەۋ ەركىن قول جەتكىزۋ ارقىلى ۆيترينادان جاسىرىن تۇردە تەلەفون ۇرلاپ كەتكەن. تاعى بىرىندە جەڭىل اقشاعا قۇمار ازامات قۇنى 460 مىڭ تەڭگە تۇراتىن جاڭا IPhone ءموبيلدى قۇرىلعىسىن بايقاپ قالىپ، ونى ۇرلاپ كەتكەن. ەكى دەرەك بويىنشا دا قىلمىستىق ءىس تەرگەلىپ جاتىر. 33 جانە 22 جاستاعى كۇدىكتىلەر ۇستالدى. اتالعان ەپيزودتاردىڭ ءبىرى دۇكەندە ورناتىلعان بەينەباقىلاۋ كامەرالارى ارقىلى تۇسىرىلگەن. كۇدىكتىلەردىڭ جەكە باسى باسقا دا ىقتيمال قىلمىسقا قاتىسى بار-جوعىنا تەكسەرىلىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.