بەلگىلى بولعانداي، جاس ايەلدەر تۇنگى كلۋبتاردا ۇرلىق جاساۋمەن اينالىسقان.
ساۋدا ورتالىقتارىنىڭ بىرىندە ۇرلىق جاسادى دەگەن كۇدىكپەن 33 جاستاعى ازاماتشا ۇستالدى. ونىڭ قىلمىس جاساعان ءساتى بەينەكامەراعا ءتۇسىپ قالعان، دەپ حابارلايدى Almaty-akshamy.kz
26 جاستاعى ب. ەسىمدى ازاماتشا مەن ونىڭ “سەرىكتەسى” 29 جاستاعى ف. ەسىمدى ازاماتشا سمارتفون ۇرلادى دەگەن كۇدىككە ىلىكتى.
"پوليسەيلەر كۇدىكتىلەردى “ءىزىن سۋىتپاي” ۇستادى. تەرگەۋدىڭ وسى كەزەڭىندە، ولاردىڭ بوتەننىڭ مۇلكىن ۇرلاۋدىڭ ءتورت دەرەگىنە قاتىستىلىعى انىقتالدى. كۇدىكتىلەردى نەگىزىنەن باسقا ادامداردىڭ ۇيالى تەلەفوندارى مەن گادجەتتەرى قىزىقتىرعان. ەپيزودتاردىڭ سانى كوبىرەك بولۋى مۇمكىن ەكەنىن جوققا شىعارمايمىز. وسى باعىتتا تەرگەۋ امالدارى جۇرگىزىلىپ جاتىر"، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
"كۇدىكتى ساۋدا جانە ويىن-ساۋىق ورتالىعىندا بولعان كەزدە كەلۋشىنىڭ قالتاسىنان ۇيالى تەلەفونىن ۇرلاپ كەتكەن. ارىز نەگىزىندە قىلمىستىق ءىس تىركەلدى، - دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
سونىمەن قاتار الماتى قالاسى پد، ق ر قپك-نىڭ 201-بابىنىڭ تالاپتارىنا، سونداي-اق ق ر كونستيتۋسياسىنىڭ نورمالارىنا سايكەس، قىلمىستىق ءىس بويىنشا وزگە دە مالىمەتتەر جاريا ەتۋگە جاتپايتىنىن حابارلايدى.