الماتى پوليسەيلەرى ۇرلانعان تەلەفونداردى ساتىپ الۋشىنى ۇستادى.
جەدەل ۋاكىلدەردىڭ جۇمىس نۇسقاسىنا سۇيەنسەك، 31 جاستاعى ەر ادام ۇرلانعان زاتتاردى ساتۋ ارقىلى بىرنەشە رەت ساۋدا جاساعان بولۋى مۇمكىن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ول IPhone 12 Pro Max جانە Samsung Galaxy A20 تەلەفونىن ساتىپ الۋ كەزىندە ۇستالدى. ونىڭ ۇستىنە ول ۇيالى تەلەفونداردى ساتۋشىنىڭ قىلمىستىق جولمەن العانىن بىلگەن. بۇل جەدەل جانە ارنايى شارالار ناتيجەسىندە الىنعان مالىمەتتەرمەن راستالادى. قىلمىستىڭ تاريحى مىناداي: بىرنەشە كۇن بۇرىن قوعامدىق كولىكتە جولاۋشىدان وسى ۇيالى تەلەفونداردىڭ ءبىرىن ۇرلاپ كەتكەن جاس جىگىت ۇستالدى. كۇدىكتىگە ق ر قك-نىڭ 196-بابى (كورiنەۋ قىلمىستىق جولمەن تابىلعان ءمۇلiكتiيەمدەنۋ نەمەسە وتكىزۋ) بويىنشا ايىپ تاعىلىپ جاتىر»، – دەيدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
ق ر قپك-نىڭ 128-بابىنا (ۇستاپ الۋ نەگىزدەرى) سايكەس، ا. ەسىمدى ازامات ۋاقىتشا ۇستاۋ يزولياتورىنا قامالدى. ق ر قپك-نىڭ 201-بابىنىڭ تالاپتارىنا، سونداي-اق ق ر كونستيتۋسياسىنىڭ نورمالارىنا سايكەس، قىلمىستىق ءىس بويىنشا وزگە دە مالىمەتتەر جاريا ەتۋگە جاتپايتىنىن حابارلايدى.